Colona del Diavol
|
Quest articol chì l'è scrivud in lombard, con la Noeuva Ortografia Lombarda |
La Colona del Diavol a l'è una colona d'epoca romana mituda in piazza Sant Ambroeus a Milan.
La legenda la cunta su che l'è stada colpida del Diavol intant che 'l lotava contra el Sant Ambroeus, perché sora a gh'è du boeugg, che se dis che eren di sò coregn.
In marmor scigollin con capitell corinzi, la vegn del Palazz Imperial de Milan: per el Galvan Fiama i imperador del Sacher Roman Imperi la brasciven su quand che deventaven Re d'Italia, dopo havé giurad in sul messal e vesser incoronad con la Corona Ferrea. Pussee inanz, sarann i pretor a andà a la colona quand ciapaven el so incaregh.
Del 1883 a gh'è stad fad un scav archeologegh e hann trovad una desina de corp mitud sota lilinscì, che se pensa che sien de cristian martirizad.
Bibliografia
[Modifega | modifica 'l sorgent]- Michele Petrantoni (a cura di), Memorie nel bronzo e nel marmo. Monumenti celebrativi e targhe nelle piazze e nelle vie di Milano, Milano, 1997, p. 215.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Colona del Diavol
