Colleon (treno)
|
Quest articol chì l'è scrivud in lombard, con la Noeuva Ortografia Lombarda |
El Colleon (classifegad ATR.803) a l'è un autotreno a trazzion eletriga con generator e baterie desvilupad de Stadler Rail per Trenord.
Storia
[Modifega | modifica 'l sorgent]L'è stad comissionad di Ferrovie Nord Milan in del november 2018, cont un numer de 30 convoeuj, con opzzion per toeunn fina 50. El gh'ha su ERTMS grazzia a un finanziament a fond perdud de l'Union europea e l'è previst che sien consegnad tucc per fina 2021.
In del november 2019 l'è stad presentad al publegh el "mock up" a la fera de Rò e l'è stad confermad che anca l'Ente Autonomo Volturno l'ha crompad cinch convoeuj compagn per la soa red.
Descrizzion
[Modifega | modifica 'l sorgent]A l'è fondad in su piataforma FLIRT e l'è fad su de 3 casse passeger a pian unich e tacade insema de carrej Jackobs: el treno el po vesser alimentad de 'n sgenerator o di baterie, che inn in su 'na cassa pussee, in d'una strutura doperabel anca per di treni cont el pantograf compagn del BTR.813.
Bon de rivà fina a 140 km/h, el podarà fà fina a 9 km cont i baterie, degià che inn minga pensade per fà di longh period ma domà per doperà no el sgenerator in stazzion e per permeter de havégh un caregh per ass pussee bass, inscì de vesser compatibel con la red lombarda.
Riferiment
[Modifega | modifica 'l sorgent]- Ferrovie: Si mostra in pubblico il primo ATR 803 Stadler per Trenord Arqiviad qé: [1]
- Un treno ibrido per la rete lombarda non elettrificata
- Expo ferroviaria 2019 - Il nuovo treno Stadler per linea Piedimonte Matese
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Colleon (treno)
