Treno Stadler BTR.813
| Treno Stadler BTR.813 | |
|---|---|
| Eletrotreno | |
 Treno ancamò in livrea incompleta | |
| Agn de ordinazion | 2013 |
| Agn de costruzion | 2016-2018 |
| Agn de esercizi | 2019- |
| Quantitaa produxida | 5 |
| Costruidor | Stadler Rail |
| Lungeza | 66'800 mm |
| Largeza | 2'820 mm |
| Capacitaa | 159 post in pee, 17 strapontitt |
| Quota del pian del pestar | 600 mm, 1'120 mm sora i carrej |
| Scartament | 1'435 mm |
| Pass di carrei | 2'700 mm |
| Classificazion di locomotive | Bo‘ 2‘2‘2‘ Bo‘ |
| Diameter rœde motrix | 920 mm |
| Diameter rœde portador | 760 mm |
| Potenza oraria | 2600 kW modalità elettrica 700 kW modalità diesel-elettrica |
| Sforz a l'aviament | 200 kN |
| Velocitaa massema omologada | 160 km/h (elettrica) 140 km/h (diesel-elettrica) |
| Alimentazion | 3 kV CC |
| Tipolojia de motor | Elettrich + generator Diesel |
| Numer di cilinder | 8 |
El Treno Stadler BTR.813 a l'è 'na variànta del Stadler FLIRT che la fonziona sia a elettricità sia a diesel, grazia a 'n generator interno, ordenaa de la Val d'Aosta per doperàj in su la ferrovia Chivass-Ivrea-Aosta per permètt di servizzi dirett in tra Aosta e Turin senza fà el cambi a Ivrea per el cambi de trazion.
Storia[Modifega | modifica 'l sorgent]
In del 2012 la Region Autonoma Val d'Aosta, d'intesa cont el Stat, l'ha deciduu de crompà di treni bimodai per permètt on servizzi dirett de Aosta a Turin, a l'epoca impossibil degià che la ferrovia in tra Aosta e Turin a l'è elettriga domà de Chivass a Ivrea e in del passant ferroviari de Turin i treni Diesel a hinn minga ammess, e donca a l'era necessari cambià treno, o anca tradzion, a Chivass o a Ivrea.
In del 2013 a l'è inziada la gara che l'è finida in del 2015, cont la vittoria de la Stadler Rail, che, per on cost de 47'852'661€, a mità 2018 la consegna el primm treno, su 'n orden de cinch, che l'è provaa in sui lign ferroviari de la Toscana e l'è previst che entren in servizzi, tucc, in di primm mes del 2019.
A l'è previst, in futur, che la linia in tra Aosta e Turin la sibia integralment elettrificada e che dònca el sia tolt via el generator Diesel de bord per sbassànn el pes e i cost.
El sistema, pensaa per la Val d'Aosta, a l'è staa poeu doperaa anca di ferrovij ingles, galles e norveges.
Descrizion[Modifega | modifica 'l sorgent]
El treno, part de la familia Stadler FLIRT, a l'è el primm a vèss staa faa su in modalità BMU, ossia bimodal, derivaa de 'n integrazion in tra el classich elettrotreno e la version Diesel.
El convoeuj a l'è formaa de quatter cass: Du pilota, vuna classega e vuna dedicada al sistema che 'l genera l'energia del Diesel che la alimenta el treno quand che l'è sènza linia aerea. Quèsta cassa la gh'ha in corridoi interno per permette ai passeggee de moeuves dent del treno.
Riferiment[Modifega | modifica 'l sorgent]
- Under assembly: Bi-modal FLIRT UK for Greater Anglia
- Official: Stadler is preferred bidder to supply 71 trains for Wales & Borders (video)
- Prove dinamiche in Toscana per il BTR 813.003
- Valle d'Aosta - Treni Bimodali
- I treni bimodali acquistati dalla Valle d’Aosta non arriveranno prima di febbraio 2019