Ciciarada:Kaiserschmarren
Gian, seet segür che la sia insci la legenda del Kaiserschmarrn? Mi l'istoria de l'atura austriega l'eva mai sentüda... Mi la legenda la cugnussi insci: se dis che una völta, quand che l'Imperadur, gran casciadur e süblim tiradur de s'ciop, l'era dree a fà 'na batüda de cacia in del Salzkammergut, el gh'è vegnüda fam e in d'un'ustaria li del sit gh'han servii un Holzfällerschmarrn, una pitansa un puu de poch e pütost rüstega, preparada dumà cunt farina, agua, saa e sücher, ma già che setaa sgiò al taul gh'era l'imperadur, el cögh l'ha pensaa ben de giuntagh anca öf, lacc, e üga sültanina insci de fala un cicinin püssee "rica" e prelibada. Quand che l'ost l'ha vedüü l'iperadur lecass i barbis e andà tüt in moga magoga, 'l gh'ha dii "Obr des isch do lai a schmarrn" (Ma chela pitansa chi l'è dumà un schmarrn) e l'Imperadur el gh'ha respundüü: "Sicher, aber a Kaiserschmarrn" (Segür, ma un schmarrn (dign d')imperadur"). N'oltra legenda l'è che a l'Imperadur ghe piaseven de mat i Palatschinken (pancakes u fritel), e quand che al cögh i fritel ghe reüssiven minga tant ben, inscambi de daghij a l'Imperadur, gh'i dava ai camerlecaj del palass imperial cunt el nom de Kaiserschmarrn già che servì una paciügada cumpagna de quela a l'Imperdaur la saria stada 'na "roba de mat" (schmarrn in Bavares): "A Schmarrn, des am Kaiser zu serviern" - (el saria) 'na roba de mat servì chela (paciügada) chi a un imperadur. E insci al didincö in Bavares una paciügada, una roba de nient, una roba maltrada insema, ghe disen "schmarrn".
Pö l'è propi 'na fritèla e minga 'na fritada... L'è ben püssee simel a una laciada che a una fritada. Te salüdi, --Mondschein 19:51, 20 Gen 2011 (UTC)
Ma l'ó tràt só internet de piö bande: per ezèmpe ché http://instapedia.com/m/Kaiserschmarren e ché
http://www.123people.com/ext/frm?ti=ricerca%20di%20persone&search_term=anne%20brünner&search_country=US&st=ricerca%20di%20persone&target_url=http%3A%2F%2Fwww.enotes.com%2Ftopic%2FKaiserschmarrn§ion=weblink&wrt_id=217
ma pöl das che la sìes giösta pò la tò de stòria. --Aldedogn 23:25, 20 Gen 2011 (UTC)
De legend ghe n'è na mota, l'è dumà che mi chela storia chi de l'atura l'eva mai sentüda. I düü sit internet che te m'heet indegaa ti hin tücc e düü in ingles e gh'han sü l'istess articul. Però, già che hin tücc legend, l'è düra dì se vöna l'è püssee giüsta de l'oltra. Te salüdi, --Mondschein 00:45, 21 Gen 2011 (UTC) PS Ociu ch'i sit ingles e merican hin pütost cunfütabej.