Cent Vai (vall)

De Wikipedia
Lumbard ucidental Quest articol chì l'è scrivuu in lombard, grafia milanesa.
El paes de Intragna

Cent Vai (Centovalli in Italian) l'è 'l nomm de ona vall del Canton Tesin.
La scomincia a nord-est cont el paes de Intragna (che 'l se incrosa cont el princippi de la Vall Onsernon) e la seguta invers a l'ovest, fina al confin italian, al paes de Camed. Lì la scomincia la Val Vigezz (comun de Re), che la riva drizza fin squasi a Domm.
L'è traversada de la Melezza. I mont pussee important a hinn el Gridon (2.787 meter) a sud e 'l Pizz Ruscada (2.504) a nord. Intant che se va invers a la mattina, i scimm se sbassen semper pussee. Al dì d'incoeu el sò territori l'è quattaa del comun che 'l gh'ha l'istess nomm.

Storia[Modifega | modifica 'l sorgent]

La prima voeulta che se sent parlà de la vall a l'è in d'on document del 1185, che le ciama Centum Valles. I paes de Borgnon, Rasa e Palagnedra toveven part a la vicinia di Cent Vai che, insemma a la vicinia de Intragna, feven sù la piev de San Vittor, sotta el controll de Locarna e Scona. in del 1838 hinn nassuu i comun indipendent de Borgnon e Palagnedra. In del 1864 l'è nassuda anca Rasa, che l'è stada taccada a Intragna in del 1972.
El comun di Cent Vai l'è nassuu in del 2009.

In tra el 1912 e 'l 1923 l'è stada fada sù ona ferrovia che la mena de Locarna a Domm, e che la passa proppi per i Cent Vai.

Vos correlaa[Modifega | modifica 'l sorgent]