Cassina Cuccagna
La Cassina Cuccagna (Cascina Cuccagna) l'è ona cassina milanesa, situada arent a Viale Umbria (pussee precisament, in via Lodovico Muratori), in del sud-est de la città.
L'è voeuna di pocch cassinn che se troeuven denter al territori urban e che fonzionen anmò: tra i cinquanta cassinn present a Milan, l'è quella pussee denter a la città.
L'è stada fada sù in del 1695. I primm notizzi de quella cassina chì hinn del catast teresian del 1722, che parlen de ona certa Cassina Torcc ditta Preganella, che la partegniva ai fraa, che ghe coltivaven i erb de portà a la Cà Granda.
La cassina, che la cress per tutt el Vottcent, la ciappa el nomm de Cuccagna in del 1920, dopo che ona cassina omonima l'è stada trada giò per fàggh spazzi a la circonvallazion de foeura. Dent a la cassina ghe vegnen anca di artesan e on'osteria. In del 1984 la finiss in man al comun de Milan, che des ann dopo el deciara che l'è inagibil, e per quest el ne scascia via i abitant e tutt i attività.
Col passà del temp però l'è stada rivalutada, e al dì d'incoeu la ved ona ripresa, grazie a on consorzi che l'ha voruu salvàlla de l'abbandon in de la qual la se trovava ormai de on bell pezz.
Ligamm de foeura[Modifega | modifica 'l sorgent]
- cuccagna.org Arqiviad qé: [1]