Cassina Boschiroeula (Bagg)
|
Quest articol chì l'è scrivud in lombard, con la Noeuva Ortografia Lombarda |
La Cassina Boschiroeula (Cascina Boscaiola in italian, ma in del cadaster la ciamen anca Cascina Boscaiolo) a l'è una cassina de Bagg, in tra la via Quint Roman e la via Bodri: incoeu ghe viv la sgent. [1]
La gh'era sgiamò al temp de la pest 1576, vist che l'è registrad che arent a gh'era la geseta provisoria de San Selmo, che ghe meteven denter i malad.[1] I ultime do familie che l'hann fitada eren i Gorla, che fitaven anca el Monester e i Ravan, che i baggit ciamaven Ravanin: eren di ortolan, o ben coltivaven verze per el Verzer de Milan, e per via del terren pien de sass, ghe coltivaven domà una quaj spece, e fitaven di terren arent a la Cassina Meriggia per di alter coltivazzion, soratut zucoria e zuchine.[1].
Arent ghe passava el fontanin di Fraa.[1]