Carlo de Cremona
|
Quest articol chì l'è scrivud in lombard, con la Noeuva Ortografia Lombarda |
El Carlo de Cremona (Carulo de Cremona in latin del temp, ? - 1510) a l'è stad un politegh lombard.
Biografia[Modifega | modifica 'l sorgent]
El se sa no quand che l'è nassud, ma 'l se sa che l'è stad ofizzial de caccia del Franzesch Sforza e di so sucessor. A l'è comissari del Ducad in di temp de la Bataja de Sgiornigh, e l'ha firmad un poo de incaregh per di maister comasit.
Del 1496 a l'è in Toscana, al servizzi de Fiorenza, indova che 'l toeu part a 'na quaj bataja, senza gran resultad. El moeur in del 1510.
In la storia de la lengua lombarda[Modifega | modifica 'l sorgent]
Poch mes prima de la bataja de Sgiornigh, el 8 de november 1478, el ghe manda 'na letera al Duca Gian Galeazz Maria Sforza per parlà de 'n aveniment e 'l tira a man la lengua lombarda in del revard de vun mandad in Leventina e bon de parlà sia la lengua lombarda che quella todesca, con la fras "qui habet linguam lombardam et theutonicham". A l'è la in tra i citazzion pussee vegge cognossude de la nosta lengua.
Riferiment[Modifega | modifica 'l sorgent]
Bibliografia[Modifega | modifica 'l sorgent]
- Il nome e la lingua: Studi e documenti di storia linguistica svizzero-italiana