Campanula petraea

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Campanula petraea
Campanula petraea
Campanula petraea
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Campanulales
Famìa: Campanulaceae
Zèner: Campanula
Spéce: C. petraea
Nomm binomial
Campanula petraea
L. (1759)

Campanula petraea l'è 'na piànta de dimensiù picinìne de la famìa de le Campanulaceae. L'è 'na spéce ràra, e localizàda, se la tróa apéna en póche stasiù sparnegàde 'ntra le Prealpi Verunéze ( M. Pastello e M. Baldo) e 'ndèl Trentì.


Descrisiù[<small>Mudifega</small> | mudìfica 'l sorgènt]

Fùrma Biològica: H scap - Emicriptòfite scapùze. L'è 'na pianta perène che g'ha 'n rizòma lignùs. La rìa de sòlet 'ntra i 20e i 60 ghèi de altèsa. La pöl vìga el gamp sèmpe o ramificàt a boscaì, encürvàt e delicàt.

El fiur

Le fòie i è de culùr vért-zaldulì e le g'ha 'na pelüria bianchina sö la fàcia de l'envèrs. I è oblanceolàde-spatolàde. Chèle bazài le g'ha 'l gambì, coo l'òrlo crenulàt; chèle del gamp piö pesène, lanceolàde strète, sèsii, co l'òrlo crenulàt apò a lure. I fiùr, nömerùs, reünìcc en capulì spès, sférich e terminài. El càles l'è pilùs, coi décc otùzi, lónch compàgn del tübo de la coròla. La coròla l'è campanulàda, elütàda, de culùr biach-zaldì, lónga presapóch 10-12 mm. El stil el vànsa fò del dópe presapóch de la coròla.



Hàbitat[<small>Mudifega</small> | mudìfica 'l sorgènt]

Crèpe de préde e córne calcàree, sèche e mür, la crès enfìna a presapóch 1100 méter s.l.m. Gh'ìa 'na stasiù segnalàda pò a per el teretóre de la pruvìncia de Brèsa ma l'è mìa piö stat retroàda.

Sinònim[<small>Mudifega</small> | mudìfica 'l sorgènt]

  • Campanula albicans (Buser) Harms
  • Campanula cephalaria var. gnaphalophylla Vuk.
  • Tracheliopsis albicans Buser
  • Tracheliopsis petraea (L.) Buser[1]

Atensiù: gh'è dei oter taxon che porta el stès nòm ma i è cunsideràcc mìa legìtem, i se referés a dele ótre piànte de la famìa de le Campanulaceae e i sarès:

  • Campanula petraea Hablitz (sinònim ilegìtim de Campanula bononiensis L.
  • Campanula petraea All. (sinònim ilegìtim de Campanula glomerata subsp. glomerata
  • Campanula petraea Zanted. ex Moretti (sinònim ilegìtim de Campanula elatinoides Moretti.
  • Campanula petraea Kotschy ex A.DC. (sinònim mìa vàlit de Campanula involucrata Aucher ex A.DC.[2]

Riferimèncc[<small>Mudifega</small> | mudìfica 'l sorgènt]

  1. Campanula petraea en The Plant List, sit del Giardì Botànich del Missouri
  2. zèner Campanula en The Plant List, sit del Giardì Botànich del Missouri