Ligustrum vulgare
(Rimandad de Cambròsen)
|
|
Chest artícol a l'è scricc in Lumbàrt, ortograféa orientàl unificàda. |
| Ligustrum vulgare | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| occ.: Cabròssol; Cabrosèll or.: Cambròzen | ||||||||||||||||||||
 | ||||||||||||||||||||
| Classifigazion sientífiga | ||||||||||||||||||||
| ||||||||||||||||||||
| Nomm binomial | ||||||||||||||||||||
| Ligustrum vulgare |
El Ligustrum vulgare (in Bergamàsch: cambròsen; en Bresà: cambròzen[1] ma apò martèl; in insübrich: ca(m)bròssen o cabròssol[2][3]), l'è 'na spéce de la famìa botànica de le Oleaceae. L'è uriginàre de l'Euròpa e de l'Àzia, e 'l crès endèi bósch ciocàcc al sul.
Descrisiù
[Modifega | modifica 'l sorgent].jpg)
L'è 'na piànta che g'ha portamènt de boscài, che crès enfìna 2 o 3 méter de altèsa. Le fòie le se 'nsömèa a chèle de l'ulìf, i è de culùr vért ciàr quan che i è zùine e scür quan che i è piö madüre. En envéren de sòlet le cröda ma 'ndèn quach càzi le pöl restà sö. I è opòste e de fùrma lanceolàda. I fiùr i è biànch, gamopétali e profumàcc. El fröt l'è 'na bàca négra de saùr amàr e l'è tòsica.
Proprietà medicinài
[Modifega | modifica 'l sorgent]- La conté prensépe amàr e alcalòidi.
- La vé mìa doperàda per vìa de la tosicità, perchè a maià le sò bàche fà ègner la diarèa e 'l vòmit.
Sinònim botànich
[Modifega | modifica 'l sorgent]- Ligustrum occidentale Gand. [1882]
- Ligustrum italicum Mill.
- Olea humilis Salisb.[4]
Riferimèncc
[Modifega | modifica 'l sorgent]- ↑ Giovan Battista Melchiori, "Vocabolario bresciano - italiano", 1817, [1]; scaricàbil per entréch ché: [2] (rist. anast. del Giornale di Brescia, 1985)
- ↑ Franceso Cherubini, Vocabolario milanese-italiano. 1839.
- ↑ Dizionario milanese-italiano col repertorio italiano-milanese, Cletto Arrighi
- ↑ Sinónimos en Tela Botánica