Và al contegnud

CPM Music Institute

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

El CPM Music Institute a l'è una scoeula de musega popolar contemporanea fondada a Milan in del 1984 del Franco Mussida[1]. Del 16 de masg 2017 l'ha otegnud del Ministeri de l'istruzzion, università e ricerca l'autorizazzion a dà certificazzion de Alta Formazzion Artistega e Musegal (AFAM).[2]

Storia[Modifega | modifica 'l sorgent]

Fad su in del 1984 del Franco Mussida cont el nom de Centro Professione Musica, el se specializa su l'insegnà di tecneghe vocai e strumentai moderne.[1]

In del 2005 ghe dann l'Ambrosin d'Or del comun de Milan e in del 2006 el Sigill Lombard de la Region Lombardia. [1]

L'ha fad anca di proget a nivell social compagn del Proget CO2 in la preson de San Vitor, in pè del 2013, e 'l Proget Swimmer, in pè del 2018 in l'istitut per i sgioven Beccaria. [1]

Del 2017 l'istitut a l'è recognossud del Ministeri de l'Istruzzion, de l'Università e de la per quell che 'l revarda el dà foeura el Diploma Academich de prim nivell in Popular Music, che 'l val tant 'me la laurea de trii agn, menter del 2022 l'è recognossud del Ministeri de l'Università e de la Ricerca per dà quell de segond nivell in Composizzion Pop Rock e Tecnegh del Son.[1] Del 2018 l'è part de la Sociazzion Europea di Conservatori, 'na sociazzion volontaria che la representa i istitut superior de educazzion musegal.

De l'ann academich 2020/2021 gh'è anca el proget Erasmus+.

Alev e insegnant[Modifega | modifica 'l sorgent]

Gh'hann studiad di artista compagn de Gianluca Grignani, Gianna Nannini, Paola Maugeri, Jenny B, Luisa Corna, Paolo Jannacci, Chiara[3], Renzo Rubino[4], Miele, Mahmood e Tananai.

In tra i poch pussee di cent insegnant[5] de la scoeula gh'è el Paolo Jannacci, el Gabriele Comeglio e 'l Beppe Bornaghi.

Didatega[Modifega | modifica 'l sorgent]

L'istitut a l'è partid in ses cors: AFAM (compagn de la laurea), BAC (preacademich), Diploma, Certifegad, Junior (per i fiolit in tra i 5 e i 13 agn) e Individual.[1]

Dent del percors de studi gh'è do Open Week, indova che i atività didateghe normai inn sospendude e al so post fann seminar e concert e 'l laboratori Creamusica, indova che i alev poden presentà una soa canzon che, se aprovada de 'na comission, la sarà publegada.[1]

Riferiment[Modifega | modifica 'l sorgent]

  1. 1,0 1,1 1,2 1,3 1,4 1,5 1,6 Storia.
  2. MIUR.
  3. "Chiara Galiazzo al Blue Note: "Ora volto pagina con il mio disco da essere pensante"". 
  4. Renzo Rubino.
  5. Chi siamo.

Ligam de foeura[Modifega | modifica 'l sorgent]