Bootloader

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

El bootloader a l'è un programa informategh che 'l gh'ha la responsabilità de fàgh fà el boot a 'n computer.

Quand che un computer a l'è pizzad su, el sistema operativ e i dacc de l'utent a inn de solet salvad in su 'na memoria minga volatel, e donca a gh'è no un sistema aviabel in RAM: el computer, donca, l'eseguiss un programa piscinin, salvad in su 'na ROM, inscì de permeter al sistema de havégh di fonzion de input/output fondamentai e, dopo di alter procedure, fà partì el sistema operativ ver e propi.

Incoeu i sistema pussee spantegad a inn quell del BIOS, indova che se carega un sistema fondamental de input-output che l'è bon de lensger i prim 512 byte (l'inscì ciamad Master boot record) indova che gh'è el programa che 'l gestiss el partì del computer, e quell pussee noeuv del UEFI, che l'è in pratega a soa voeulta un sistema operativ piscinin - di voeulte con di fonzion compagn de 'n browser integrad o di fonzionalità de configurazzion a distanza - e che l'è eseguid del firmware de la scheda mader: per gestì el boot el lensg di eseguibel EFI, catad foeura de ogni sistema aviabel, che poeu se ocupen de fà partì el sistema.

Riferiment[Modifega | modifica 'l sorgent]

Alter proget[Modifega | modifica 'l sorgent]