Biblioteca Giulio Einaudi
|
Quest articol chì l'è scrivud in lombard, con la Noeuva Ortografia Lombarda |
La Biblioteca Giulio Einaudi l'è la biblioteca civega de Corresg, con sede in del storegh Palazz di Princip , indove se troeuva anca el Musee el Corresg.[1]
Storia[Modifega | modifica 'l sorgent]
La biblioteca l'è stada fondada del 1783 quand che l'è stad vert el Collegi Ducal (incoeu Licee Statal Rinald Cors) e, cont el rivà di frances del 1796, a l'è dada in man a la municipalità de Corresg.[1] Dopo de l'unità d'Italia, del 1868, a l'è spostada in del vegg convent francescan, indove a la classega biblioteca a l'è fiancada vuna itinerant, inscì de servì mej la popolazzion: inn unide del 1926 e inn trasferide in del pian nobel del Palazz di Princip.[1]
La biblioteca del dì d'incoeu l'è inaugurada del 1971.[1] Del 1997 ghe dipenden la Biblioteca di sgiovin "Piccolo Principe", cont anca la ludotega, situada in la Cà in del Parch, e el Center de documentazzion "Pier Vittorio Tondelli"[1]
Collezzion[Modifega | modifica 'l sorgent]
La biblioteca la guarna 72000 volum, de che circa 20000 inn antigh, una sezzion de storia local e l'Archivi di Memorie Patrie, con pissee de 30000 carte desligade e 200 cartelle organizade.[1]El conserva anca vari manoscrit, edizzion antighe, atlant e mape geografeghe e la gh'ha una sezzion musegal che la gh'ha dent i spartit del Bonifazio Asioli.[1]
Riferiment[Modifega | modifica 'l sorgent]
Ligam de foeura[Modifega | modifica 'l sorgent]
- Biblioteca Comunale Giulio Einaudi, su Anagrafe delle biblioteche italiane, Istituto centrale per il catalogo unico.
