Betin de Trezz
|
Quest articol chì l'è scrivud in lombard, con la Noeuva Ortografia Lombarda |
El Betin de Trezz (anca Betin Ulizan, Trezz, agn 1440 - forsi in del 1490) a l'è stad un scritor e nodar lombard.
Biografia[Modifega | modifica 'l sorgent]
Fioeul de do familie nobil de Trezz, el pader l'era nodar a Bressa, el gh'ha havud sedes fioeui, de che vot mas'c e vot done, nassud in tra el 1466 e 'l 1484: vundes a inn mort prima che la ghe fuss la pesta, e dopo de l'epidemia n'inn restad domà trii, anca se la mier la s'era infetada, a restà a lecc per un mes però senza infetà i fioeui, intant che lu l'era in pellegrinagg, se pensa a la preja de Bismantoa, in la zona de Resg de Lombardia.
Di font riporten la soa mort in del 1490, ma gh'è nissuna font credibel a sostegn.
Oeuvera[Modifega | modifica 'l sorgent]
La soa unega oeuvera che n'è restada a l'è la Letilogia, scrivuda in d'on volgar con di element lombard e toscan, che la ripercorr la pesta che l'ha colpid Milan e la Lombardia e la fa 'na sorta de orazzion, dedicada al cusin Gaspar, che l'ha svesinad al mond de la coltura, e al cardinal Ascani Maria Sforza, dada foeura in del 1488, trè agn dopo de la pestilenza.
El test l'è stad poeu doperad del Franzesch Cherubin in del so dizzionari per trovà di vegge vos milanes. A gh'è minga 'n ciar consens in su che lengua la fuss doperada del Betin de Trezz: el storegh Stefano Meschini, in la soa biografia del Bernardino Coiro, el ritegn el Betin un "poeta dialetal", ad esempi.