Papa Benedet XVI

Quest articul chì l'è scriìt in lumbart, grafia cremàsca.

Papa Benedèt 'n dal 2010.

Papa Benedèt XVI o anca Papa Benèt XVI (Benedictus PP. XVI an latì, Benedikt XVI an tudèsc, nasìt con al nòm da Joseph Alois Ratzinger Marktl, 16 da Aprìl 1927 - Roma, 31 de dicember 2022) l'è stàt papa emerìto da la Céza Catòlega. Elezìt an dal 19 da Aprìl 2005, l'è stàt vèscof da Roma anfìna 'n dal 28 da Febràr 2013, quànt al gh'à dàt le sò dimisiù an dal 11 da Febràr 2013; dòpo da che Papa Francèsch l'è dientàt al sò sücesùr e l'è dientàt dòca Papa Emerit.

L'è stàt al 7° papa da urìgin tudèsca 'n töta la stòria da la Céza.

«Dòpo ìga esaminàt püsé da 'na ólta la me cuscènsa daànti al Signùr, só rüàt a la cunclüsiù cèrta che le me fòrse, vèst anche la me età aànsada, i è mia pö bùne per ezercità al minìstere petrino an mót giöst... Per chèst, anche se capìse che le mé asiù i è grée, con töta libertà, deciàre da rinüncià al ministére da èscof da Roma, Sücesùr da San Péder, a me afidàt per mà dai Cardinài 'n dal 19 da Aprìl dal 2005.»

(Discùrs dal Pàpa per le sò dimisiù, 11 da Febràr 2013.)

Cüriuságen

Mir sein Pospscht! (Nüm sem Papa): el Papa a l'è Südtiroles!!!

El Broch Tirules de l'Arbur Genealògegh del Papa Tudesch

In del mes de Giügn del 2013 a l'è gnüü 'ncamò püblegh che 'l Benedèt 16° el gh'abbia 'vüü 'n avula (la mama de la mama de la sua mama) nassüda e chersüda a Mühlbach in de la Val Püstaria, in Südtirol.

	«Südtirol ist ein außergewöhnlich schönes Land und ich bin stolz nun irgendwie dazu zu gehören.»
	(El Südtirol l'è una gran bela Tera, ma bela de bun, e mi sunt propi urgujus de partegnigh in d'una quaj manera.)

L'avula del Ratzinger la se ciamava Elisabeth Maria Tauber e l'eva nassüda a Raas in Südtirol.

L'emeret Papa Benedèt XVI el 9 de Nuember del 2011 l'eva acujüü una delegassiun d'unur vegnüda de Natz-Schabs indua 'l Bürgermaister del cumün Peter Gasser el gh'ha ufrii la citadinansa unuraria del cumün.

La Elisabeth Maria Tauber, l'Avula del Papa Tudesch