Basilica vetus
|
Quest articol chì l'è scrivud in lombard, con la Noeuva Ortografia Lombarda |
La Basilica vetus a l'è stada vuna di prime gese de Milan, scominciada del 314, la pussee importanta fina a quand che hann fad su el Dom e, a partì del 1386, l'è stada trada sgiò propi per slargà el Dom midem.
A l'era part, insema a la Basilica maior e ai batisteri de San Giovann e San Steven, de un compless del vescov, che l'era comun in di gran cità sed de 'n arcivescov. Fada su l'ann adree de l'edit de Milan che gh'ha dad la libertà ai cristian de orà, a l'era indova che adess a gh'è l'absid del Dom, e l'era stada renoeuvada sota i vescov Angilbert I e Angilbert II, el segond l'ha consacrada torna del 836 a dedicàlla a Santa Maria Magior, inscì la deventa una catedral, in stil romanegh e gotegh.
Incoeu ne resta domà un quaj rest de mur de la faciada, che inn guarnad de la Fabrega del Dom, che i mostra minga al publegh.