Bartolomee Cabella
El Bartolomee Cabella (Bartolomeo Cabella, Milan, 15 de fevree 1847 - Milan, 5 de magg 1907) a l'è staa on ingegnee e manager italian.
Biografia[Modifega | modifica 'l sorgent]
Fioeu de l'Antoni e de la Marzellina Annon, el studia al collegg di Calch Taegg e 'l mostra subit bravura in del camp di sienz. El studia poeu al licee classich e in del 1868 el se laurea al Politecnich de Milan in ingegneria civil e in del 1869 in ingegneria industriala.
Invitaa a deventà professor, el refuda e 'l tacca subit a lavorà, i sò primm mestee a hinn staa faa in sul Canal Villores.
In del 1870 'l entra in del Tecnomasio 'me alev e dopo 'n ann el deventa dirigent. Sotta la soa direzion el center el deventa 'n canton de eccellenza in del mond.
In del 1876 el fa vun di primm esperiment de inluminazion elettriga publega cont el Domm de Milan e 'l fa poeu di àlter esperiment, sia in del publegh sia in del privaa, per esempi a Crema.
El fa poeu di studi, insemma al Leopold Emanueli - pader del Luis - in su la dinamo per dàgh pussee effizienza.
In del 1903 el se retira del Tecnomasio, che in del frattemp l'eva ciappaa el sò nomm, e 'l derva 'na soa società de consulenza, in la che la resta finna a la mort, degià che l'ha refudaa tucc i incarich che gh'han parpognuu, foeura de quell de president de la Cambra de Commercc de Milan.