Politecnegh de Milan

De Wikipedia
(Rimandaa da Politecnich de Milan)
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
El Politecnegh

El Politecnegh de Milan a l'è ona universitaa de Milan de caratter scientifegh e tecnologegh, fondada in del 1863. El Politecnegh de Milan al g'ha duu campus prinzippaj in de la zittaa de Milan, indè che la pupart di recerch e atividaa de insegnament a hinn localizzaa, ma anca olter campus lì lì intorna in olter cinch zittaa che a se troeuven in la region Lombardia e la region Emilia-Romagna. I burò zentrai a se troeuven in del campus storegh de Zittaa Studi (in italian: Città Studi), a Milan, che a l'è anca el pussee grand attiv, del 1927.

Stòria[Modifega | mudìfica 'l sorgènt]

El Politecnegh de Milan a l'è staa fondaa in del 29 november del 1863 del Franzesch Briosch, segretari del Ministee de l'Educazion e diretor de l'Universidaa de Pavia. A l'è l'universidaa la pussee antiga de Milan. El sò nomm original a l'era Istituto Tecnico Superiore ("Istitut Tecnegh Superior"), e a se podeva studià domaa ingegneria zivil e industrial. Architettura, la segonda ligna prinzippal de studi a l'universitaa, a l'è stada mittuda dent in del 1865 in coperazion con la Academia de Brera.[1]

A gh'eren domaa trenta student ammittuu el prim ann. Cont el passà di agn, la pupart di student a l'era di omm: la primma persònna de sess feminil a laureass de l'universitaa a l'è stada in del 1913.[1]

In del 1927 l'universitaa a l'è stada movuda in Piazza Leonard de Vinci, in del quartee cognossuu adess 'mè Zittaa Studi, indove ancamò al dì d'incoeu i se troeuven i struttur prinzippaj de l'universitaa.

Al temp, a l'è staa ciamaa Regio Politecnico ("Politecnegh Real"). La paròlla Regio a l'è stada trada via quand che l'Italia a l'è stada proclamada republega a la fin de la Segonda Guerra Mondial. I palazz stòregh che a hinn ancamò incoeu drovaa a hinn staa progettaa e mittuu in pee di ingegnee e architett tucc laureaa de l'universitaa istessa. [2]

A partì de la fin de i agn vottanta, l'universitaa a l'ha taccaa su on process de espansion teritorial che l'ha portaa al dervì de campus foeura de Milan, in Lombardia e Emilia-Romagna. Impunemanch, a l'è staa faa scominzà on cors in dissegn industrial in del 1993. In del 2000, la facoltaa de design a l'è stada fada su cont di cors noeuv de grafega, mòda e interior design, insema al cors gemò esistent de dissegn industrial.

Ligamm de foeura[Modifega | mudìfica 'l sorgènt]

Riferiment[Modifega | mudìfica 'l sorgènt]

  1. 1,0 1,1 Le origini. La storia. Politecnico di Milano. Recuveraa el 12 Fevree 2012.
  2. Le sedi storiche. La storia. Politecnico di Milano. Recuveraa el 12 Fevree 2012.

Vos corelaa[Modifega | mudìfica 'l sorgènt]