BTR-4

Quest articol chì l'è scrivud in lombard, con la Noeuva Ortografia Lombarda

El BTR-4, soranomenad Bucefal, a l'è un veicol del combater de l'infanteria anfibi 8x8 fad in Ucraina de la Kharkiv Morozov a partì del 2008. L'è bon de rivà fina a 110 km/h a terra e a 10 km/h in aqua.

Storia[Modifega | modifica 'l sorgent]

I prim prototip inn stad fad in del 2006, con la produzzion in serie che l'è scominciada in del 2008. In del 2009 i prim des vann in servizzi in l'Armada ucraina e in del midem ann a l'è insubid 'me sostitut del Pegaso BMR 'me veicol de l'infanteria de l'Armada spagnoeula.

In del 2012 el ministeri de la defesa de l'Iraq l'ordena 420 BTR-4, ma poeu el scassa l'orden dopo che n'inn rivad 88 per reson de qualità. L'armada de Kyiv donca la ciapa 52 mez ch'eren stad fad su per l'Iraq e del 2014 la Guardia Nazzional la ciapa i so prim BTR, che inn doperad in l'assedi de Sloviansk, che l'è ciapad di ucrain el 5 de luj 2014, cont i soldad che hann lodad el noeuv mez, ma anca i separatista n'hann caturad vun, che l'ha servid in del batalion Vostok.

Operator[Modifega | modifica 'l sorgent]

Indonesia: el Corp di Marines de l'Indonesia l'ha ordenad 8 BTR-4M, ma l'ha sospendud un orden de alter 55 per di reson de qualità. In del 2019 ordenen inveci 21 BT-3F e 22 BMP-3F
Iraq: el ministeri de la defesa l'ha ordenad 420 veicoi, ma domà 88 inn rivad, poeu el Pais l'ha sospendud el programa. Per l'Ucraina, a la fin, n'inn rivad 270
Nigeria: La Polizzia de la Nigeria la gh'ha 5 BTR-4
Ucraina: l'Armada la gh'haveva pussee de 200 BTR-4 al 2021, la Guardia Nazzional 40, fina al 2014
Russia: la Russia l'ha ciapad pussee de 20 BTR-4 in la soa invasion de l'Ucraina.

Anca l'Armada de la Macedonia del Nord e 'l Corp Real di Marines de la Thailandia hann mostrad interess in del mez.

Version[Modifega | modifica 'l sorgent]

BRM-4K veicol de recognossiment
BTR-4K veicol de comand
BTR-4KSh veicol de comand e staff
BTR-4E1
BTR-4MV1 con pussee de protezzion adeguada al standard NATO
MOP-4K veicol de sostegn de foeugh
BREM-4K veicol de recuver e de riparazzion
BSEM-4K veicol de recuver e medegh
BMM-4A - Compagn del BMM-1 (familia BTR-80) [prim socors e evacuazzion del camp de bataja]
BMM-4B - Compagn del BMM-2 (familia BTR-80) [tratament medegh de camp]
BMM-4C - Compagn del BMM-3 (familia BTR-80) [ospedal de camp]