Apucaliss Capitel Des

Quel articul chì l'è scrivüü in Lumbard, cun l'urtugrafia insübrica ünificada.

Apucaliss

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Des

¹E huu vedüü un alter fort àngiul andand giò del cél vestii [in d']una nìgula e l'arch in cél [l'era] sül sò cuu e la sua fàcia [l'era] cuma 'l suu e i sò pee [eren] cuma culonn de fögh, ²e avendugh in de la sua man un liber piscinin avèrt e l'ha metüü 'l sò pee dricc sül mar, e la sinistra sü la tèra, ³e l'ha criaa in d'una granda vús propi cuma un leún el rügg. E quand l'ha criaa, i sètt trùnn hann parlaa i [lur] propri vús. ⁴E quand i sètt trùnn hann parlaa, stavi per scrìv, e huu sentii una vús del cél che la dis: «Sigila [i robb] che i sètt trùnn hann dii, e no scrìvuj. ⁵E l'àngiul, che huu vedüü essend staa in pee sül mar e sü la tèra, l'ha levaa sü la sua man driza in del cél, ⁶e l'ha giüraa per lü che 'l viv in di sècul di sècul, che l'ha creaa 'l cél e i [robb che] 'n [gh'hinn], e la tèra e i [robb che] 'n [gh'hinn], e 'l mar e i [robb che] 'n [gh'hinn], che 'l témp el sarà pü, ⁷ma in di dì de la vús del sètim àngiul, quand el sta per sunà la tromba, anca l'è staa finii el misteri de Diu cuma l'ha nünziaa a i [sò] propi sèrv i prufètt.
⁸E la vús che huu sentii del cél, parland de növ cun mì e disend: «Va, ricév el liber avèrt in de la man del àngiul che 'l sta in pee sül mar e sü la tèra. ⁹E huu vegnüü via a l'àngiul, disendugh de dàmm el liber piscinin avèrt. E 'l me dis: «Ricév e mangiall, e 'l farà maar el tò stomegh, ma in de la tua buca el sarà dulz cuma mél. ¹⁰E huu ricevüü 'l liber piscinin de la man del àngiul e l'huu mangiaa, e l'era in de la mia buca dulz cuma mél, e quand l'huu mangiaa, el mè stomegh l'è staa faa maar. ¹¹E me disen: «L'è necessari che te prufetizet de növ sü gént e naziún e lénguv e tant règn.

Navigaziun

• ← Indree a Capitel Növ
• Inanz a Capitel Vündes →
• A l'indes