Apostuj Capitel Des

Quel articul chì l'è scrivüü in Lumbard, cun l'urtugrafia insübrica ünificada.

Apostuj

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Des

¹E un cèrt omm a Cesarea de nomm Curneli, centüriún d'un cuòrt ciamaa Talián, ²pi e gh'avend pagüra de Diu cun tüta la sua cà, che 'l dava limosen a tüta la gént e 'l pregava a Diu semper, ³l'ha vedüü ciaramént in d'una visiún cuma circa la non'ura del dì che un angiul del Signúr l'è vegnüü denter a lü e 'l gh'ha dii: «Curneli!». ⁴E despö che l'ha fissaa i ögg sü lü e l'ha devegnüü stremii, l'ha dii: «Che cossa l'è, Signúr?»; e 'l gh'ha dii: «I tò preghee e i tò limosen hinn naa sü cuma una regurdanza denanz a Diu. ⁵E manda adèss omen a Giafa e fa ciamà un quaj Simún, che l'è suranuminaa Peder; ⁶chèst el se logia d'un quaj Simún, un cunficiadúr de pèj, che 'l gh'ha la cà vesìn al mar». ⁷E cuma l'angiul che 'l gh'aveva parlaa l'ha naa föra, despö che l'aveva ciamaa düü di servidúr e un suldaa pi di quij che gh'eren dedicaa, ⁸e despö che 'l gh'aveva spiegaa tüsscoss, el i ha mandaa a Giafa.
⁹E 'l dì despö, quand lur viagiaven e vegniven vesìn a la citaa, Peder l'è naa sü al tècc per pregà a l'ura sèsta. ¹⁰E 'l gh'aveva famm e 'l vureva mangià. E intanta che lur el preparaven, un stüpúr l'è vegnüü sü lü, ¹¹e l'ha vedüü che 'l cél l'era divèrt e l'è vegnüü giò un quaj atrèzz cumpagn d'un grand lenzöö, mandaa giò a i quater cantún a la tèra, ¹²in del qual gh'eren tücc i animaj cun quater sciamp, di retij de la tèra, e di üsèj del cél. ¹³E una vús la gh'è vegnüü: «Despö che te se see levaa sü, Peder, maza e mangia!». ¹⁴E Peder l'ha dii: «Per nagott, Signúr, perchè huu mai mangiaa nissüna roba prufana o impüra». ¹⁵E de növ la vús la gh'è vegnüü: «I robb che Diu l'ha faa pür, fee no tì prufànn». ¹⁶E chèst l'è sücèss per trè völt, e sübit l'atrèzz l'è staa ciapaa al cél.
¹⁷E intanta che Peder l'era perpless denter de sé medemm sü che cossa la füss la visiún che l'aveva vedüü, varda, i omen che eren staa mandaa de Curneli, despö che aveven desquataa dumandand la cà de Simún, s'hinn presentaa al purtegh, ¹⁸e despö che aveven ciamaa, hann dumandaa se Simún, suranuminaa Peder, el s'è lugiaa là.
¹⁹E intanta che Peder el pensava sü la visiún, el Spirit l'ha dii: «Varda, düü omen te cerchen, ²⁰ma levet sü, va giò e va cun lur, giüdegand nagott, perchè mì i huu mandaa». ²¹E despö che l'è naa giò l'ha dii a i omen: «Varda, mì sun chèll che cerchii; che cossa l'è la resún per la qual sii chì?» ²²E hann dii: «Curneli, un centüriún, un omm giüst e che 'l gh'ha pagüra de Diu, e l'è daa testimunianza de tüta la naziún di Giüdee, l'è staa visaa d'un angiul sant de fàtt ciamà in de la sua cà e de sentì paroll de tì». ²³Dunca, despö che 'l i aveva invidaa denter, el i ha daa logg. E 'l dì despö, despö che 'l s'era levaa sü, l'è naa föra cun lur e quij di fradèj che eren de Giafa hinn naa cun lü. ²⁴E 'l dì despö, hinn vegnüü denter a Cesarea. E Curneli l'era dree a spetàj, despö che l'ha ciamaa insèma la sua parentela e i sò amìs intim.
²⁵E l'è sücess che intanta che Peder el vegniva denter, quand Curneli 'l gh'ha incuntraa, burland giò a i pee, el gh'ha aduraa. ²⁶Ma Peder el l'ha levaa sü, disend: «Levet tì sü! Anca mì medemm sun un vèss üman». ²⁷E l'è vegnüü denter, parland cun lü, e l'ha truaa tant personn che eren staa vegnüü insèma, ²⁸e l'ha dii a lur: «Vialter savii cuma l'è no lecit che un omm Giüdee el s'üni o 'l vegna vesìn a un furestee; anca a mì Diu l'ha faa vedüü de ciamà minga nissün vèss üman prufan o impür; ²⁹dunca, sénza cuntradiziún sun vegnüü despö d'avè staa invidaa. Dunca, dumandi per qual resún m'avii invidaa?». ³⁰E Curneli l'ha dii: «De quater dì fa fin a chèst'ura, l'ura nona, seri dree a pregà a la mia cà e varda, un omm l'è staa in pee denanz a mì in de vèsta lüsénta, ³¹e l'ha dii: Curneli, la tua preghéra l'è stada sentida e i tò limosen hinn staa regurdaa denanz a Diu. ³²Dunca, manda quij personn a Giafa e invida Simún, che l'è suranuminaa Peder; lü 'l s'è lugiaa in de cà de Simún, cunficiadúr di pèj, arént al mar. ³³Dunca, i huu mandaa a tì sübit, e tì t'hee faa bén a vegnì. Dunca, adèss nümm tücc sèmm chì denanz a Diu per sentì tücc i robb cumandaa a tì del Signúr».
³⁴E despö che Peder l'aveva dervii la sua buca, l'ha dii: «In de veritaa a capi che Diu l'è no quajdün che 'l fa distinziún di personn, ³⁵ma in d'ogni naziún lü che 'l gh'ha pagüra de Lü e che 'l prudüss giüstizia el gh'è acetabil. ³⁶L'ha mandaa la parola a i fiöö d'Israel, predicand la buna nuèla per mèzz del Crist Gesü--lü l'è Signúr de tüsscoss--³⁷vialter savii la roba che l'è sücess per tüta la Giüdea, cumenzand in de la Galilea cunt el batesim che Giüann l'ha predicaa, ³⁸ cuma Diu l'ha vunciüü Gesü, che l'era de Nazaret, del Spirit Sant e de puténza, che l'è passaa, fasend el bén e guarend tücc quij che eren uprimüü del diàul, perchè Diu l'era cun lü. ³⁹E nümm sèmm testimonn de tücc i robb che l'ha faa, sia in del paés di Giüdee che a Gerüsalèmm. Lü che hann mazaa, avèndul tacaa al lègn, ⁴⁰Diu 'l l'ha levaa sü el tèrz dì, e 'l gh'ha daa che 'l devén manifest, ⁴¹no a tüta la gént, ma a testimonn che eren staa scernii de Diu, a nümm che èmm mangiaa e bevüü cun lü despö che 'l s'era levaa sü di mort; ⁴²e 'l m'ha cumandaa de predicà a la gént e dà testimunianza che chèst l'è lü che l'è numinaa de Diu cuma giüdes di viv e di mort. ⁴³A lü tücc i prufètt dann testimunianza, che ognidün che 'l cred in de lü el ricev el perdon di pecaa per mèzz del sò nomm».
⁴⁴Intanta che Peder l'era ancamò dree a dì chèst paroll, el Spirit Sant l'ha burlaa giò sü tücc che sentiven la parola. ⁴⁵E i credént de la circuncisiún che eren vegnüü cun Peder hinn staa sbalurdii, perchè anca sü i naziún el regall del Spirit Sant l'è staa versaa föra; ⁴⁶già che i hann sentii parlà in de lenguv e e fà Diu grand. Alura Peder l'ha respundüü: «El pò quajdün negà aqua, perchè sien batezaa chèst personn, che hann ricevüü 'l Spirit Sant propi cuma nümm?». ⁴⁸E l'ha cumandaa che lur füssen batezaa in del nomm del Gesü Crist. Alura gh'hann dumandaa de restà quij dì.

Navigaziun

• ← Indree a Capitel Növ
• Inanz a Capitel Vündes →
• A l'indes