Ambroeus III de Mozz
|
Quest articol chì l'è scrivud in lombard, con la Noeuva Ortografia Lombarda |
L'Ambroeus III de Mozz (... - Berghem, dopo de marz 1133) a l'è stad un prelad lombard, vescov de Berghem.
Biografia
[Modifega | modifica 'l sorgent]El partegniva a la cà nobel di Capitani de Mozz e se pensa che l'è stad consacrad del Giordan de Civ. El so nom l'era dent a la lista di ceregh e canonegh de la gesa de San Vissenz e forsi l'è stad monegh del monester de Astin.
A l'è stad fad vescov dopo che l'Arnolf a l'era stad scomunegad per simonia: el retor provisori de la diocesi, l'Albert de Sorlasch, gh'ha domandad al Papa Pasqual II de lassà che 'l fuss el cler orobegh a vodà per el so capo, e quand che ghe 'l permeten voten su lu. 'Me vescov, el gh'ha havud vari problema patrimoniai con di gese, tant che el Papa el gh'ha havud de mandà di so imbasciador per sistemà i robe, e 'l gh'ha havud anca vari contrast cont i canonegh lissandrin. Se pensa che l'habia tolt part a la votazzion de l'Anselmo V al soeuj de Sant Ambroeus.
A l'è regordad in d'un sonet del Liber Pergaminus del Mosè del Broeul, dad foeura del Lodovigh Antoni Murador.