Altocumulus castellanus
I Altocumulus castellanus (in lengua italiana Altocumuli castellani, abbreviadura Ac cas) hinn ona specie de altocumùl che gh’hànn sviluppàa di crescénz piscinìnn verticàj cont i contorni compagn de ‘na merladura. La soa base a l’è piatta e de spèss hinn destribuì in fila adrée al pian orizzontàl. In del′International Cloud Atlas hinn classificàa a l’istèssa manera di altocumulus floccus (CM8) per via de la forma compagna (quèsti chì però paren pòch sviluppà in verticàl).
La soa presenza l’indica instabilità ai altèzz che se formen e hinn util al fin de prevedè i temporaj: la soa comparsa in di or de mattin l’insegna el svilùpp probabil de fenòmen convettìv in del cors di or adrée, cont el riscaldament solar. A l’è de sòtalineà che in quèll caso chì i rappresenten domà on indizzi e in deperlór hinn minga reponsabil de on temporal (provocàa di Cumulonemb), i quaj se svilupperànn compagn del vèra quand che altocumul sarànn giamò descomparìi.
Di vòlt i altocumul castellan pòden trasformàss in di Cumulus mediocris, in di Cumulus congestus e di vòlt in di Cumulonemb; e in tal caso sarànn possibil di precipitazion insèma a di temporaj.
Bibliografia[Modifega | modifica 'l sorgent]
- Gabriele Formentini, Temporali e tornado, 2, Prefazione di Mario Giuliacci, Alphatest [2006], 2009. 978-88-483-0992-9
- Salvatore Abate, Lezioni di meteorologia generale, 2, Napoli, Liguori editore, 1986. 978-88-08-07315-0
- World Meteorological Organization (a cura di), International Cloud Atlas (in en), Ginevra, Secretariat of the World Meteorological Organization, 1975, Vol. 1. 92-63-10407-7 URL consultad: 16 agosto 2014.
- (EN) Altocumulus castellanus. URL consultad in data 16 agosto 2014. (arqiviad de l'url orijenal in data 17 marzo 2014)