Albert de Gandin
L'Albert de Gandin (Crema, agn 1240 - Genoa, 1310 o 1311) a l'è staa on giurista e giudes lombard, che 'l s'è ocupaa de dirizz penal de statutt.
Biografia
[Modifega | modifica 'l sorgent]Nassuu a Crema in di agn 1240, el gh'ha avuu in tra i sò maester l'Albert Galeott e 'l s'è laureaa a Bologna senza andà innanz in la carriera accademica ma l'ha taccaa a fà el giudes, lavorà che l'ha faa del 1281, l'ha scominciaa a Lucca, al 1310 in vari città de la Lombardia storega, indova che despess l'è anca scernuu 'me assistent di podestà e infinna podestà degià che l'era l'epoca indova che 'l se preferiva assegnà el compet a 'n terz forestee: l'è staa in del 1284 assessor del podestà de Bologna Giovann Palastrell de Piasenza prima e del Tebald Brusaa de Bressa dopo.
L'è staa assessor del podestà de Perugia Peder Confalonee de Bressa del 1286 al 1287 e poeu a Fiorenza del 1288 al 1289 con l'Antoni Fissiraga de Lod.
A bon cunt però la pupart de la soa carriera de giurista l'è stada a Bologna, indova che l'era giudes e l'ha lavoraa in d'on period assee de rebelott indova che gh'è staa on mugg de mazzament politegh, a la fin l'è staa slontanaa de la città e in del 1299 l'è trovaa a Siena, a juttà el podestà Totelmann di Totelmann de Bergom.
El fa el salt de carriera a Fermo, indova che l'è podestà del 12 de magg al 12 de luj del 1305, e 'l gh'ha dopo di alter offizi important finna a la soa mort, capitada in del 1310 o 1311.
L'ha scrivuu on poo de liber de dirizz, vun, el De maleficiis, indova che 'l parla del riatt e del dirizz in azion in la giustizia del liber comun e l'alter, Quaestiones statutorum, in su la soa esperienza cont el dirizz comunal, assee compagn in di città ma different de quell roman.
In la coltura
[Modifega | modifica 'l sorgent]L'è staa a longh ciappaa per cremones, tant che el Diplovatazio el definiva "natione Lombardus, patria Cremonensis", ma el s'è descovert poeu che in realtà l'è cremasch: l'error el deriva probabilment de 'n edizion di De maleficiis che 'l reportava la città fallada.
Oeuver
[Modifega | modifica 'l sorgent]
- Quaestiones statutorum
- Libellus super maleficiis et causis criminalibus et statutis loquentibus de maleficiis et questionibus dependentibus a statutis
Manoscritt
[Modifega | modifica 'l sorgent]- Tractatus de maleficiis, XV secolo, Milano, Biblioteca Ambrosiana, Fondo manoscritti, ms. O 303 sup..
- Tractatus de maleficiis, XV secolo, Ravenna, Istituzione Biblioteca Classense, Fondo manoscritti, ms. 374. vol. I, ff. 1r-89vb.
- Tractatus de maleficiis, recensio II, XIV-XV secolo, Firenze, Biblioteca Nazionale Centrale, Fondo Magliabechiano, Magl. Cl. XXIX.112, ff. 3r-85v.
- Tractatus de maleficiis, recensio III, XIV secolo, Firenze, Biblioteca Nazionale Centrale, Fondo Magliabechiano, Magl. Cl. XXIX.181, ff. 1r-56v.
- Quaestiones statutorum, XV secolo, Ravenna, Istituzione Biblioteca Classense, Fondo manoscritti, ms. 374. vol. I, ff. 99v-124vb.