Ala (òrghen)

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Exquisite-kfind.png Per savenn pussee, varda l'articol Ala (insècc).
L'avertüra d'ala d'una galédura

L'ala l'è ciascöna di apendis mòbil a furma slargada che i serven per al muviment int l'aria di üsel e de certi inset e mamifer.

In di üsei curispunden ai art anteriur di vertebraa terester. El schelter, per quant el poda vess mudificaa, l'è custitüii dai istess element che caraterizen l'estremità pentadatila o chiridi di vertebraa terester o tetrapud. El pian de sustentament de l'ala, per el vul, furmaa dai penn remigant inserii in sül margin pusteriur de la man e de l'inizi del brasc. Sü tüt dò i facc de l'ala se tröven di pen piscininn ciamaa cupitris o tettris. In di üsei müden la furma e i dimensiun di al segund la velucità e 'l möd de vulà. Hin lungh, stregg e a punta per i üsei püssee rapid; per quij che vulen püssee lent, hin püssee largh e utüs. In d'un quaj cas poden vess atrufizaa, cumpagn de quij di Strüziunifurm, o trasfurmaa in pinn, cumpagn de quij di Sfeniscifurm.

In di mamifer chiroter, l'ala l'è rapresentada dal patagi o membrana cütanea tendüda fra 'l cupin, i art süperiur e quij inferiur. El sustegn de la membrana alar, furnida de nerv e de orghen de sens tatil, l'è daa dal schelter del carp e dai quater did di art anteriur, estremament slungaa.