Alù

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental

Alù, (nòm uficiàl en italià: Alone) l'è 'na frasiù del cümü de Cast en Val Sàbia, pruvìncia de Brèsa. La g'ha presapóch 140 abitàncc e la se tróa a 680 méter süra del leèl del mar, a mèza còsta 'n mès a 'n alù (quàze de sigür el nòm del paés el se referés a chèsto) söl versànt orientàl de la Corna del Sunclì e de la crèsta del Ladì, che la spartés la Val Sàbia de la Val Trompia e del cümü de Lemezàne.

El paés el gh'ìa de fà part del cümü de Saàl (endèl tèst: "Piano Savalli") ai tép de l'"Estimo Visconteo" e 'l vé lüminàt come cümü apéna quach sècoi piö tàrde, 'ndèla Descrisiù Generàl del 1764[1]. El perdarà la sò autonomìa endèl 1928 quuan che 'ndèl quàder de 'na reorganizasiù generàl de le aministrasiù locài el vé agregàt al cümü de Cast[2].

Endèi sècoi pasàcc el s'è fat conóser per i fozenècc (alimentàcc co l'àiva del torènt che scór endèla àl) a cundusiù artigianàla che fabricàa ciócc, recunusìcc de òtima qualità, ma che co l'endüstrializasiù i è nacc de menemà a scomparéser. De conseguènsa pò a la popolasiù l'è vìa vìa calàda[3]

Riferimèncc[<small>Mudifega</small> | mudìfica 'l sorgènt]

  1. Lombardia Beni Culturali - Cümü de Alù
  2. Lombardia Beni Culturali - Cümü de Alù 1859-1928
  3. www.valsabbia.eu - Casto