É

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental

É, (nòm uficiàl en italià: Eno) l'è 'na frasiù del cümü de Boàren en Val Sàbia, pruvìncia de Brèsa. La g'ha presapóch 90 abitàncc e la se tróa a 603 méter süra del leèl del mar.

El se tróa sö la dèstra del torènt Agna e l'è la frasiù piö àlta de la cumunità de la Degàgna.

A É se ghe rìa per mès de 'na stràda cumünàla che part de Boàren, che pàsa de San Martì e che dòpo la rìa 'nfìna a Treìs Bresà e À. L'abitàt l'è postàt a sulìf ai pé de 'n custù de mut a 41 km de Brèsa e 10 de Boàren.

Endèi docümèncc antìch l'è lüminàt coi nòm de Ino (sècol XII), Eno (sècol XIV e XV) e Heno (1693).

El rezülta part del cümü de Degagna zabèla 'ndèl sècol XV e l'è praticamènt sèmper stat enserìt en chèsto cümü 'nfina a che l'è stat agregàt a Boàren endèl 1928[1].

'Na ólta l'ìa cunusìt per la sò càa de marmor négher, ciamàt màrmor paragù. La càa l'è stàda sfrötàda per tat tép, e 'ndèl sècol XVI la sò préda l'è stàda dopràda per le decorasiù de la faciàda del Palàs de la Lòza de Brèsa.[2]

Riferimèncc[Modifega | mudìfica 'l sorgènt]

  1. www.lombardiabeniculturali.it - Comune di Degagna
  2. www.valsabbia.eu - Boàren

Colegamèncc estèrni[Modifega | mudìfica 'l sorgènt]