Degàgna

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental

Degàgna, (nòm uficiàl en italià: Degagna) l'è 'n ex-cümü (adès l'è 'n ensèma de frasiù) che gh'è stat agregàt endèl 1928 al cümü de Boàren, en Val Sàbia, pruvìncia de Brèsa. El tülìa dét töta la àl omònima streersàda del torènt Agna, e 'n rusilì de frasiù picinìne: Büzignù, Sesì, Serezégn, Füzìna Nöa, Füstegnàch, Lizàne, Ranch e San Martì, e amò 'n pér de frasiù piö destacàde É a nòrd e Carvàn a òvest. El nòm el vé de "Decania" che l'è 'l nòm de le südiviziù teritoriài en che l'ìa spartìt el dücàt al tép dei Longobàrdi.