Regn Lombard-Vènet
De Wikipedia
El règn Lombard-Vènet (Talian: Regno Lombardo-Veneto - Todesch: Königreich Lombardo-Venetien) l'è nasuu sòta el control de l'Austria dòpo de la restaurazion che l'è vegnùda a la fin del period Napoleònich. L'è staa instituii el 9 de giugn del 1815 del Congress de Vièna, cont el Francesch II Duca de Milan e de Mantua ch'el divegn Francesch I del Lombard-Venet. Francesch I l'haa regnaa finna al 1835, e dopu de lù l'è vegnuu Ferdinand I de Asburgh-Lorèna finna al 1848.
El 22 de marz del 1848, a la fin dij cinqu giurnad de Milan la popolazion milanesa l'ha casciaa via i austriach e l'haa nominaa un Govern Provisòri che l'è poeu entraa a fa part del Govern Provisòri de Lombardia. In dij dì seguent anca Venèzia la casciava via i austriach e la nominava un govern provisòri. L'esercit piemontes el vegniva in socors dij Lombard (prima guèra de indipendenza) ma a la fin de Luj el vegniva sconfitt a Custoza dij Austriach comandaa del Maresciall Radetsky che el dì 6 de agost ed podeva rientràà a Milan desmantegand el Govern Provisòri. Venèzia la riesiva a resist on ann ancamò, ma el 24 de agost del 1849 la gh'aveva de capitolà anca lè.
El regn Lombard-Venet el vegniva inscì ricustruii sòta el comand de l'imperador Francesch Giusepp I de Asburg-Lorèna (suranominaa el Cecco Beppe del popol milanes), che l'era rapresentaa del Radetsky finna che quest l'è mort in del 1858.
En el 1859 el Piemont, dopo de la Segonda guèra de Indipendenza taliana, l'ha proceduu ad annètes la Lombardia e in del 1866, diventaa in del fratemp Règn d'Italia, l'ha incorporaa anca al Vènet a la fin de la Terza guèra de Indipendenza metend fin a quell ch'el rimanèva del Règn Lombard-Vènet.
