Cinqu giornad de Milan

Cheest artícul al è scrivüü in milanees, urtugrafìa clàssica.

Baldassare Verazzi, Episòdi di cinch giornad

Menter che in del 1848 in tutta l'Europa la stava per s'cioppà la revoluzion, anch a Milàn el 18 de marz de quèll ann lí la popolazion la tacava a fà su baricad e a sparà dij tecch e dij fenester contra el presidi austriegh comandaa del Radesky, che dopo el primm dí de la rivolta el s'è baricaa denter el Castell. La resistenza l'è stada organizada del Podestà Gabrio Casati e del Consej de Guèra comandaa del Carl Cattaneo, ch'èl menava i sò messagg in gir per la città grazzia a i Martinitt, come se disen i fioeu de l'orfanotrofi milanes. Timoros de vess taccaa in dij spall de l'esercit piemontes che l'eba in sul fà de cobiass ai milanes, el Radetsky la sera del 22 l'haa deciduu de ciappà el largh e ritirass vers el quadrilater indove se trovava la pupart del sò esercit. I austriegh gniven foeura de la Porta Tosa, che de quell dí lí l'ha mudaa el sò nom in 'Porta Vittoria'.