Nevers

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
El stemma de Nevers
El Palazz Ducal de Nevers

Nevers (Niversa in Italian stòrigh; Noviodunum Æduorum in Latin) l'è ona città de la Francia che la gh'ha ona popolazion de pussee de 40.000 persònn.
La città la se troeuva in de la Borgògna e l'è 'l capploeugh del dipartement de la Nièvre. El fiumm Nièvre de fatt el finiss in de la Lòira pròppi a Nevers.

Stòria[Mudifega | mudìfica 'l sorgènt]

Noviodunum l'era 'nmò abitada ai temp di Celta, come l'ha poduu vedè el Ceser quand che l'ha conquistaa la Gallia. Ai temp di Merovinsg l'è vegnuda ona sede vescovil, oltra che 'l capploeugh prima de ona contea e poeu de on ducaa.
In del 1384 l'è finida sòtta ai Duca de Borgògna, in del 1491 ai Duca de Clèves.
In del 1538 l'ultima erede del Ducaa, la Enrichetta de Clèves l'ha sposaa el fradell del Duca de Mantova, el Ludovigh Gonzaga, che inscì l'è diventaa el noeuv scior de la città.

El sò fioeu Carlo II de Gonzaga-Nevers in el 1627 l'è diventaa anca el noeuv duca de Mantova e Monferraa, vist che 'l ramm principal de la dinastia (rappresentaa del Vincenz II) l'era finii. In quella occasion l'è nassuda la guerra de Succession de Mantova de la qual el parla anca el Manzon.
In del 1661 el cardinal Mazzarino l'ha compraa el Ducaa e l'ha daa al nevod Filippo Mancini. El Ducaa l'è staa ciappaa del Statt frances in del 1798.

Gent nassuda a Nevers[Mudifega | mudìfica 'l sorgènt]

Gemellagg[Mudifega | mudìfica 'l sorgènt]