Neubrandenburg
Neubrandenburg (Branibór Nowy in polacch storigh) l'è ona città todesca del nord-est con pussee de 65.000 personn che ghe viven.
[Mudifega] Geografia
La città l'è on comun del Land del Meclemburgh-Pomerania Anterior, e la fa minga part de on circondari.
[Mudifega] Storia
La città l'è nassuda intorna a on monastee de fraa premostratens, in del 1240 circa. La fondazion offizial a l'è del 1248, per overa del marches del Brandeburgh (de fatt el sò nomm in todesch el voeur dì Brandeburgh noeuv). In del 1292 la città l'è vegnuda part del Meclemburgh.
Col passà del temp, Neubrandenburg l'è vegnuda on gran bell centro commercial: con la Guerra di Trent'Ann però l'ha perduu quella soa qualità, perchè l'è stada toccada di battali. Defatt l'è stada ciappada di Svedes, e poeu, in del 1631, liberada di armad de la Liga Cattoliga. I soldaa cattoligh hann coppaa ona motta de nemis scozzes e svedes, anca se quei là s'eren renduu.
Duranta la II Guerra Mondial arent a Neubrandenburg a gh'era on camp de presonee nemis, el Stalag II-A. In del 1945 gh'è rivada l'Armada Rossa, che l'ha brusaa el 80% de la città. A bon cunt, dopo de la guerra, on bell poo de edifizzi vegg hinn staa faa sù de noeuv.
