Giovanni Rajberti

Quest articol chì l'è scrivuu in lombard, grafia milanesa.

El Giovanni Rajberti (Milan, 18 de april del 1805 - Monscia, vundes de dicember del 1861) l'è staa on dotor e poeta milanes.

Vita

L'è nassuu a Brera. L'ha studiaa medesina a Pavia, anca se prima l'aveva provaa a fà el seminarista a Lecch. L'ha lavoraa a la Cà Granda. In del 1830 el se sposa con la Rosa Prina (morta in del 1853), che la ghe da cinch fioeu. Poeu el se sposa con la Giuseppina Bolgee de Monscia. La sarà lee a regoeuj i oeuver del marì dopo la soa mort, 'me testament in di man del comun de Monscia.
L'ha dirigiuu l'ospedal civegh de Monscia fina al 1859, per poeu andà a Comm. Ma el gh'ha 'vuu renonzià subet a l'incaregh noeuv, perchè i sò idei liberai l'hann miss in conflitt con la polizzia austriegh. Tornaa a Monscia, el ciappa on atacch cerebral che per duu agn le lassa paralizaa a la man destra e senza parolla. El moeur a Monscia in del 1861.

Oeuver

El Rajberti l'è consideraa el poeta milanes pussee important del period post-portian. In tra i sò oeuver pussee cognossuu a gh'è la version milanesa de l'Ars Poetica de l'Orazzi (in realtà adattada al contest de la poesia milanesa) e Marz 1848, dedicada ai Cinch Giornad de Milan.

“	Sicché, l'è vera o hin ball? Se g 'ha domà paura de insognass, E pæu de dessedass E sentiss ancamò i Todisch sui spall. Se restava tant minga suefaa A vedenn vænna bonna, Che questa chi, che la ne var centmilla , . Intant che femm per dilla El par che se cojonna. Ma no, quij car Pattan hin proppi andaa , Cioè i emm casciaa via On poo de desgarbaa Dopo trentaquattr’ann de compagnia : E i Milanes insci grazios e bon In fin g 'han mostraa poca educazion . ....	”
—Il marzo 1848

</poem>

Bibliografia

Claudio Beretta, Letteratura dialettale milanese, Milan, Hoepli, 2003.
AA. VV., Antologia della poesia nelle lingue e nei dialetti lombardi, Libri Schweiler, 2006.

Interprogèt

Wikisource

lmo.wikisource

Wikimedia Commons

Fest de Natal
El pover Pill
L'arte poetica in milanese
Il marzo 1848

Ligamm de foeura

Vos correlaa

Alfonso Porro Schiaffinati