Pavia

De Wikipedia
Va a: navegá, truvá

Cuurdinàde geogràfiche: 45° 11' N 9° 09' E

Pavia
Pavia-Stemma.png
Pontpavia.jpg
Map of region of Lombardy, Italy - grey.svg
Stat Itàlia
Regiun Lombardia
Pruvincia Pavia
Cuurdinade 9°09′45″ E
45°11′07″ N
Abitant 68 313 ab.
Superfiss 62,9 km²
Densità 1 086 ab/km²
Altitüden 77 m s.l.m.
Cumün tacaa Burgaré, Carbunèra, La Certusa, Cüra, Marsgnà, San Gines, San Martin, Sant'Aless, Tur d'Isula, Travacò, La Val
CAP IT-27100
Còdes ISTAT 018110
Prefiss tel. 0382
Sit uficiàl del cümü


Pavìa (insì anca in talian) l'è una cità de la Lombardia cun 68 313 abitant (dato del Dicember 2012[1]), e l'è la capital de la pruincia cun l'istess nom. La se tröva ins el Tisin, un po' a nord da indè ch'el va drent int el Po, a 35 km a sud de Milan. El teritori aministraa del cumü de Pavia al cuacia gio una süperfis de 9,2 km².

Pavia l'è la capital d'una pruvincia fertil, dedicaa suratüt a l'agricultüra (prodüzion de vin, ris e cereal). J'indüstri j'hinn poch, e i atività de la cità j'hinn l'Üniversità e el Policlinich San Mateo.

Storia[Mudifega | mudìfica 'l sorgènt]

A l'epuca di Ruman la gh'aveva el nom de Ticinum, e l'è staa capitala del regn di lungubard. Da l'età Medieval l'è la sed de vüna di üniversità püssee antich d'Italia. La cità l'era furtificaa fena al 1872, quand che i bastion j'hinn staa trasfurmaa in vial e giardin püblich. La püssee part di müraj l'è supravissüü fena al 1901, quand che j'hinn staa trat zü per fa sü i vial de la circunvalazione.

Evoluzion demografega[Mudifega | mudìfica 'l sorgènt]

L'andament del nümer de abitant del comun de Pavia l'è mustraa in de la tabela chi de sota



Nümer de abitant

Da visità[Mudifega | mudìfica 'l sorgènt]

Cità da j'urigin antich, la ofra un müg de rob cultüral e türistich. In particular, j'hinn da visità el Museo del Castel di Viscont, San Peder in Ciel d'Oro, el Dom, San Michel Magiur, San Teudor ed il famus Pont Veg ins el Tisin, ultre al Palazzi Botigela. A pochi chilometri da la cità gh'è la Certusa de Pavia.

Pavia l'è vüna di tap impurtant ins la via Francigena, senter de pelegrinag che culega Ruma e Canterbury.


Riferiment[Mudifega | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2012.