Zbrojar Z-15
|
Quest articol chì l'è scrivud in lombard, con la Noeuva Ortografia Lombarda |
.jpg)
El Zbrojar Z-15 (Зброяр Z-15 in ucrain) a l'è un fusil semiautomategh con oturator che 'l roeuda e che 'l fonziona a travers del principi del toeu via de gas. A l'è una cobia, fada su con licenza de la dita Zbrojar, del fusil american AR-15.
Venduda 'me carabina de cacia e de sport, a l'è doperad anca di Forze armade de l'Ucraina, oltra che de la Guardia Nazzional e de la Guardia de Frontera (indova che l'ha sostituid l'AK-47) in la variant UAR-15, che la permet de sbarà in automategh, menter la Polizzia, in di so unità KORD, i dopera quei de bas.
A l'è fad insema al Zbrojar Z-10, ispirad a l'AR-10, col che 'l compartiss vari toch, inscì de permeter de fàll in d'una manera pussee economega.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Zbrojar Z-15
