WireGuard

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Logo del proget

WireGuard a l'è un software e protocoll per i VPN pensad per di conession segure pont a pont in di configurazzion routed o bridged. L'è eseguid 'me modul in del kernel Linux, o BSD, e 'l ponta a vesser pussee prestant de OpenVPN e IPsec.

El dopera Curve25519 per el scambi de ciav, ChaCha20 e Poly1305 per l'autenticazzion e BLAKE2s per l'hashing. El fonziona a nivell de red e l'è compatibel sia con IPv4 che cont IPv6 e l'è anca bon de incapsulài.

Desvilupad del 2016, in del 2018 di fornitor comerciai hann tacad a doperàll e l'ha ricevud di donazzion important, in del 2020 l'è retegnud inscì stabel de vesser inserid in del kernel Linux, diretament del Linus Torvalds e l'è poeu mitud denter anca a Android.

In general l'è retegnud pussee resistent di protocoj che ghe seren prima e men soget a 'na disconnession, oltra a metègh men a negozzià i connession. L'è anca interessant de 'n pont de vista de sicurezza perchè 'l dopera di protocoj de critografia pussee noeuv, oltra a havégh un codes pussee piscinin e donca facil de controllà.

Riferiment[Modifega | modifica 'l sorgent]