Wikipedia:VisualEditor

De Wikipedia

Chest artícol a l'è scricc in Lumbàrt, ortograféa orientàl unificàda.


Che laùr él el VisualEditor?[modifica 'l sorgent]

VisualEditor l'è l'interfàcia per fà le mudìfiche, svelöpàda de la Wikimedia Foundation, che la à a zontàs a chèla che conosóm töcc sö i sicc compàgn de la Wikipedia e che la permetarà a töcc de mudificà le pàgine MediaWiki sènsa ìga de 'mparà la wikisintasi. Grasie al VisualEditor le pàgine le sarà formatàde 'ndèna maniéra che se 'nsomèa a chèla de 'n progràma de videoscritüra, söl sènso che 'l tèst, entàt che s'è dré a mudificàl e chèl dòpo che se 'l sarà salvàt, i g'harà 'n aspèt presapóch percìs.


Che càmbia chi?

Lès la prezentasiù.

Come se fà a dopràl?

Arda 'l manuàl.

Implementasiù al momènt[modifica 'l sorgent]

En chèsto momènt gh'è a dispuzisiù 'na versiù alfa perché i ütèncc i pöde pröàla, catà i erùr e fà le sò oservasiù sö i laùr che à mìa bé e sö la priorità per le coresiù e i migliuramèncc.

El VisualEditor l'è atif dei 12 de dezèmber del 2012 sö la Wikipedia 'n inglés, dei 25 de bril del 2013 sö la wikipedia en italià e dei 24 de löi l'è vizìbil a töcc i ütèncc registràcc.

Ogna artìcol che te pödet mudificà la g'ha dò lenguète:

  • Mudìfica 'l sorgènt, che la mìna a la pàgina de mudìfica tradisiunàla;
  • Mudìfica, che la atìva (dopo de 'n quach segónt) l'editor vizuàl, col qual se pöl mudificà e salvà i artìcoi e le pàgine del "namespace" ütènt, föra chèle de discusiù, e fàs 'n edèa de come che 'l sarà 'l VisualEditor 'na ólta che 'l sarà finìt. Se recomànda de dopràl töte le ólte che 'l sape pusìbol, de segnalà quan che argóta 'l funsiùna mìa giöst e de fà le oservasiù endèla pàgina apòsta! Gh'è a dispuzisiù pò a 'na Pàgina de le pröe dedicàda, pemsàda sura de töt per i ütèncc mìa registràcc, endóche se pöl fà dele pröe e 'mparà a fà i link, mèter dele nòte e i mudèi sènsa doprà la wikisintasi, che l'è mìa prevìsta del sistéma.[1]

Dàto che i è dré a ambiàs dré adès a svelöpà 'l VisualEditor, l'è sèmper mèi controlà le mudìfiche che se fà. Töte le mudèfiche fàde co l'editor vizuàl le compàr endèla cronologèa co l'etichèta "VisualEditor", isé se pöl tignìga dré mét e curìga dré, e se recomànda ai patroller de stà aténcc per entàt che 'n s'è 'n prensépe.

El VisualEditor el funsiùna co le skin Vector (che l'è chèla atìva de default) e Monobook, e 'l g'ha bezògn del JavaScript ed 'n browser supportat. El pöl véser temporaneamente dizativàt endèla pàgina "Preferènse", endèla sesiù "Cazela de mudìfica", se se selesiùna la upsiù "Temporarily disable VisualEditor while it is in beta", però se recomànda de mìa fal.


Che laùr él che 'l pöl gnemò fà?

Lès la lìsta de le limitasiù cunusìde del VisualEditor.

Com'él che i funsiùna i mudèi col VisualEditor?

Lès la pàgina sö TemplateData, o sedenò la maniéra de doprà i mudèi col VisualEditor.


Öt saìn de piö?

Fà pasà 'ntra le domànde fàde de spès (FAQ).

Öt segnalà vergót?

Semài che te g'hét comèncc, segnalasiù, reclàm, cumplimèncc de fà, và 'ndèla pàgina dei comèncc.


Edèe per el futùro[modifica 'l sorgent]

Adès, quan che du ütèncc i laùra al stès tép sö la stèsa pàgina, i pöl nà 'ncùtra a'n cunflìt de edisiù. Püdì rià a fà mudìfiche de part de divèrsi ütèncc al stès tép l'è giöna de le edèe ciapàde 'n cunsidersiù dei svelöpadùr del VisualEditor[2].

  1. El VisualEditor l'avìza i ütèncc quan che per erùr i 'nserés le dópie parèntezi quàdre, gràfe ecc. Semài che però se ghe dà mìa a trà apòsta a l'avertimènt e se sàlva estès, VE el metarà 'ndèl artìcol i tag <nowiki> e la modìfica corespondènta la g'harà de éser curigìda endèn segónt momènt.
  2. Real-time collaborative editing attracts attention Wikipedia Signpost: Technology report. 25 June 2012. Accessed 5 December 2012.

Colegamèncc estèrni[modifica 'l sorgent]