Wikipedia:Dà minga a trà a i regol

De Wikipedia
Lumbard ucidental Quest articol chì l'è scrivuu in lombard, grafia milanesa.

«If the rules prevent you from improving or maintaining Wikipedia, ignore them.» - en:Ignore all rules

«Summum ius, summa iniuria» - Ciceron

«Wikipedia la gh'ha minga regol fiss, foeura che i cinch pilaster.» - Wikipedia:Cinch pilaster


Wikipedia la serviss per creà on'enciclopedia. I regol che se demm hinn on strument flessibil, ch'el dovaria servì domà per quell motiv chì. Tròpp regol hinn pericolos, perchè dòpo un poo de temp se comincia a vardà domà quej e se perd de vista l'enciclopedia. Se quij regol chì (questa compresa) te fann diventà nervos o depress, allora fà inscì: dàgh minga a trà e dopera el bon sens intant che te set dree a lavorà a l'enciclopedia.

Stà atent, però: tutt quell discors chì el voeur minga dì che te pòdet fà quell che te voeuret; dà minga a trà a i regol l'è minga compagn de dopera Wikipedia per spantegà el tò punt de vista. Putòst, el voraria dì che intant che te costruisset la Wikipedia l'è mej che te ghe det minga a trà a tutt i scrizzitt, e che el spirit di regol l'è on bell tòcch pussee important de la lettera.

In sostanza, quand te set su Wikipedia, dopera el cervell.