Virus respiratori sincrizzial de l'om

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
El virus

El Virus Respiratori Sincrizzial de l'Om a l'è un virus a RNA de l'orden Mononegavirales, sota-fameja Pneumovirinae e sgener Orthopneumovirus.

A l'è un patogen assee important per l'om, in di fiolit a l'è in tra i cause pussee important de ospedalizazzion, desgià che l'è bon de fà vegnìgh la bronchiolita, menter che in di grand sani el fa vegnì domà un freggior, ma in quej con di problema al sistema imunitari l'è bon de fà vegnì la polmonita.

'Sto virus el se spantega a travers di gote in aria infete, che entren in l'om a travers del nas e di oeugg, e poeu el se sposta via via in del sistema respiratori. Gh'è nissun vacin per evitàll, ma gh'è la possibilità de fà 'na profilassi cont el Palivizumab per i fiolit a volt ris'c. Se vun el se mala, el gh'ha de havégh una terapia de sostegn, a gh'è 'n antiviral ciamad Ribavirin che l'è autorizad, ma a l'è controvers.

Bibliografia[Modifega | modifica 'l sorgent]

Alter proget[Modifega | modifica 'l sorgent]