Virus de l'Imunodeficienza de la Simia

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

El Virus de l'Imunodeficienza de la Simia (Simian immunodeficiency virus in ingles, breviad SIV) a l'è un retrovirus che l'è bon de infetà a longh termen 45 specie de primad minga uman de almen 32'000 agn.

In la pupart di cas a l'è un virus che 'l causa no de dagn a l'ospit, probabilment per la longa convivenza che l'ha menad a adatàss mej, almen in di simie de l'Africa, menter in di simie de l'Asia el po menà a 'na sindrome de grama imunodeficienza ciamada AIDS di simie: un'ecezzion a l'è el SIVcpz in del Pan troglodytes, che l'è bon de fà vegnì 'n imunodeficienza, anca se l'è pussee raro che in l'om, menter el Bonobo el par imun.

Per studià un possibel vacin per l'HIV l'è stad desvilupad un virus messedad in tra el SIV e l'HIV, ciamad SHIV, che per ora l'è stad provad domà in di simie.

L'è ritegnud probabel che i variànt SIVsmm e SIVcpz habien fad el salt de specie per infetà l'om e creà donca i variant HIV-2 e HIV-1.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelad[Modifega | modifica 'l sorgent]