Verzee

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
La Colonna del Verzee in largo Augusto).

El Verzee (del latin viridarium; in italian: Verziere) l'è el mercaa di ortolan de Milan. Al dì d'incoeu el se troeuva in via Lombroso e l'è ciamaa "Ortomercato".
On temp però el Verzee el se trovava a duu pass del Domm: fina al 1684, anzi, l'era proppi in de la piazza.


Per on bell poo de temp el Verzee l'è restaa in Largo Augusto invers a Via Larga e a Piazza Fontana. Quell lì l'è 'l Verzee regordaa anca del Carlo Porta, che le ciamava "scoeula de lengua", perchè lilinscì se sentiva a parlà el milanes pussee s'cett e popolar. Inoltra, la poesia pussee cognossuda del Porta l'è proppi la Ninetta del Verzee.
In del 1911 el Verzee el s'è spostaa in cors XXII marz (indè che incoeu gh'è 'l Parch Marinai d'Italia), e l'è restaa lì fina al 1965 (quand che l'è andaa in via Lombroso). On ann dopo, in del 1966, in del vegg Verzee l'è stada mettuda in pee ona statoa al Carlo Porta.