Vertezèl

De Wikipedia

Chest artícol a l'è scricc in Lumbàrt, ortograféa orientàl unificàda.


En botànica se ghe dà nòm de vertezèl a 'n ensèma de tré o piö fòie, ram o óter órghegn che böta de 'n gamp al stès leèl.

Particolàr de 'n gamp de Galium odoratum endóche se èt la dispuzisiù a vertezèl de le fòie.

Le fòie che crès endèla gran part de la piànta le ghe và dré a 'n percórs a spiràl bèl stiràt entùren al gamp. Tat stiràda che 'l deènta de sòlet difìcil de reconóser. Gh'è sèrte piànte però che le prezènta fòie dispunìde a vertezèl.

La dispuzisiù a vertezèl l'è 'nvéce piö tìpica ende chèle fòie che co l'evulusiù le s'è mudificàde e i è nìde a furmà i elemèncc del fiùr de le Angiospermae.

I vertezèi de chèste fòie mudificàde i ciàpa nòm de:

  • càles, endóche le fòie mudificàde le ciàpa nòm de sépali;
  • coròla, endóche le fòie mudificàde le ciàpa nòm de pétali;
  • androcèo, coi sò elemèncc che i è deentàcc i órghegn de reprudusiù maschìi;
  • ginecèo, coi sò elemèncc che i è deentàcc i órghegn de reprudusiù feminìi.

Arda apò[Modifega | modifica 'l sorgent]