Và al contegnud

Verset satanegh

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

I verset satanegh inn di rivelazzion che el Maomet l'havaria ricevud del Satana e che l'havaria scambiad per una rivelazzion legitima de Allah a travers de Gabriel. La rivelazzion la permeteva de domandà l'intercession a trè divinità pagane: al-Lāt, al-'Uzzá e Manāt, e poeu el Gabriel gh'ha did che eren minga vera e inn stad tolt via del Coran.

In principi, quella storia chi l'era recognossuda 'me vera de tucc i studios de l'Islam, menter cont el temp vari hann tacad a dì che la podeva minga vessél, perchè saria stada contra a la natura perfeta del Maomet. Incoeu inn partid, in tra quei che la ritegnen vera, perchè nissun di compagn del profeta l'havaria inventad una storia inscì grama in su de lu, e quei che inveci la retegnen falsa.

A bon cunt, a l'è stada pu che alter una roba de discussion in tra sceich, fina a che el Salman Rushdie l'ha scrivud el romanz I Verset Satanegh, che 'l se fonda in part in su la vicenda, e l'ha menad a una gran controversia, tant che 'l Ruhollah Khomeini l'ha dad foeura una fatwa per fàll foeura.

Riferiment[Modifega | modifica 'l sorgent]