Valvola a serranda

De Wikipedia
Lumbard ucidental Quest articol chì l'è scrivuu in lombard, grafia milanesa.
valvola a serranda flangiada

La valvola a serranda a l’è ‘na valvola che ‘l sò stoppadór l’è 'na serranda. El pò vèss a sezión dritta (ghigliottina) o a sezion inclinada (cuni) a segonda che la vegna doprada per di portàd alt o bass. La ven semper doprada come valvola de intercettazión e l’è minga bòna de vèss doperada come valvola de regolazion. Defàtt, el stoppadór el càosa ‘na turborenza fòrta in del flùss e de conseguenza el fa mangià foeura a la svèlta i òrghen de tegnuda, oltra al caosàa di vibrazión spiacévol che fànn frecàss in fase de saradura.

Caratteristich tècnich[Modifega | modifica 'l sorgent]

I serrànd, hinn de sòlit fàa de ghisa (soratùtt redonda ma anca grisa) o de azzál e magara di ripòrt de metàll come la stellite per i part de tegnuda meccanica soratùtt in particolàr:

  • el còrp e ‘l cappèll (o testada): in ghisa o azzál de sòlit rivestìi, dedenter e defoeura, con di resin espossidìch;
  • el stoppadór, che per quèlla sòrta de vàlvol chì l’è ciamàa apùnt serranda. El pò vèss a sezión drizza (ghigliottinna) o a sezion inclinada (cuni) a segonda che ‘l vegna impiegàa cont i alt o cont i bass portàd. El pò vèss rivestìi, per di impiégh a bassa temperdura con di elastòmer compagn de l’EPDM e de la NBR (cuni gomàa);
  • el fust o ass de manòvra:
    • manuál: volantin o leva;
    • motorizzàa: attuator elèttrich o pneumàtich.

El còrp el gh’hà denter di meccanismi bon de fa moeuv l’òrghen stoppadór de manera che la soa sbassada la pòda determinà l’ostruzión totál de fluss. L’ostruzión parziál l’è de vèss sconsiliàda.

Per la regolazion di flùid va a vedè i vàlvol a glòbo o regoladris.

Tucc i superfici dedenter de la valvola che vann in contàtt con l’acqua i gh’hànn de vèss proteggiùd contra de la corrosión a la giusta manera.

De nòrma, in del caso di superfici de ghisa redonda o de azzál al carbòni a se doperen di vernìs fondàd in sui pólver epossìdich., i quàj, semai che l’acqua trasportada la servissa de vèss bevuda di òmen i gh’hànn de cambià nò el sò savór, i sò caratteristich chimico-fìsich e microbiològich seconda conforma quèll che l’è stabilìi in del Decrée del 6 de Aprìl del 2004, n. 174 del Ministeri de la Salud; el stèss discórs el var per i anèj de tegnuda e magara anca per i past lubrificànt doperàa in del cors de la fase de la giontadura.

Tipi[Modifega | modifica 'l sorgent]

I vàlvol a serranda pòden vèss de trii tipi a segonda de la pression de esercizzi:

  • a còrp piatt (fina a 16bar);
  • a còrpo ovál (fina a 25 bar);
  • a còrp cilindrich (25÷40 bar);
  • in tegnuda autoclave (40÷600 bar).

Sede de tegnuda[Modifega | modifica 'l sorgent]

La valvola a serranda a segonda del tipo de la sede de tegnuda la pò vèss:

  • a sede moresina: in quèll caso chì la tegnuda l’è sicurada cont el comprìmm el rivestimént de gòmma (EPDM, NBR, ecc.) del cuni ind la sede predispòsta denter in del còrp.
  • a sede de metàll: in quèll caso chì la tegnuda l’è sicurada per mèzz del contàtt infra l’anèll de tegnuda de metàll miss in sul disco e de quèll miss in su la sede del còrp. De nòrma a se doperen de anèj de tegnuda de otton (o de azzal nò ossidàbil) tant in sul cuni quant in sul còrp. Per la tegnuda a se po’ doperà la stellite per redù l’usura de la sede de tegnuda medèmma.

Giontada e installazion[Modifega | modifica 'l sorgent]

Giont a flangia infra el tubo e la serranda

De nòrma i serránd hinn conligàd a la condòtta in pressión per mèzz di raccòrd a flangia, a bicér o mes’ciàa (cont ona flangia e 'n bicér). L'installazión la pò vèss fada ind on pozzètt ispezionàbil o direttamént in del terrén (compàgn che ‘l succèd per i red idrich cittadìnn).

Fonzionament[Modifega | modifica 'l sorgent]

L'avertura totál de la vàlvola la dà di pèrdit de càregh pìcol, inscambi la dervida parziàl la crèa di fòrt perturbazión de la corrént liquida e di grand pèrdit de càregh determinàa; per quèst la va ben nò per la regolazión.I manòver di serránd d’on diameter piscinìnn pòden vèss fàa direttamént a man (comànd a volantìn o a leva); inscambi per di diàmeter important o di pressión molto grand, i servìssen di òrghen desmoltiplicadór (vàlvol con riduttór manuál a volantìn) o sèrvomotór (vàlvol motorizzàa cont on attuatór elèttrich o pneumatich).In del caso de pressión fòrt e/o de diàmeter grand l’attrito infra el cuni e ‘l seggio el pò vèss tál de impedì la manovrà de la dervida.In chi casi chì a se installa on pìccol tubo de superà l’ostàcol fornìi de rubinètt, che, in del caso de valvola sarada, el permèttarà innanz de tutt de mètt in equilibri i pressión in sui dò fàcc (de drée e denánz) del stoppadór de manera de facilitànn la dervida.La direzión preferita di saradura a lè el sens oràri, i vàlvol per i quàj l’è prevedùda la saradura antioraria i gh’hànn de ‘vègh in sul volantìn ‘na marcadura fada a pòsta che l’insègna el sens de saradura.

Utilizzazion[Modifega | modifica 'l sorgent]

I valvól a serrànda vegnen doperàd:

  • in sui condòtt de presentazión di red de distribuzión de l’acqua potàbil;
  • in sui red de irigazion;
  • in sui red antincendi;
  • in di impiánt de trattamént di acqui;
  • in di stazion de pompada;
  • in di serbatòi (circùit idraulich);
  • in di sistèma de regolazión installàa de nòrma innanz e a vall del regoladór.

Pression de progètt[Modifega | modifica 'l sorgent]

I vàlvol a serranda, compàgn che tucc i pareggiadór idraulich per i sistèma ìdrich, hinn comprés in de la nòmina pression nominàl - PN e gh’hànn de vèss progettàd de manera che i sò pressión caratteristich, PFA, PMA, PEA, sìen secong comforma ai valór (esprèss in bar) raportàa in la tabella chì adrée per la PN corrispondenta:

PN PFA PMA PEA
6 6 8 12
10 10 12 17
16 16 20 25
25 25 30 35
  • la PFA e la PMA se àplichen ai vàlvol in tucc i posizión de quèlla sarada del tutt a quèlla avèrta de tutt;
  • la PEA la se aplica domà ai vàlvol in posizión minga sarada.

EL costruttór el pò indicà di valór maggiór rispètt a quèj de la tabèlla che rappresenten i valór mìnim sòta la condizión che la valvola la sia seconda conforma ai nòrm UNI EN 1074.

Comunque la PEA la dev semper risultà:

  • ≥ 1,5 PMA
  • ≥ (PMA +5)

Velocità massima de progètt[Modifega | modifica 'l sorgent]

I vàlvol gh’hànn de vèss progettàd per sicurà quèlla velocità massima chì (in m/s) in di condizión de portada costanta e in fonzión de la pressión de esercizi ammissìbil (in bar):

PFA V
6 2,5
10 3
16 4
25 5

Certificazion[Modifega | modifica 'l sorgent]

Le aziénd produttór di serrànd i gh’hànn de fornì:

  • la Certificazion, mandada foeura d’on tèrz organismo segond la nòrma UNI CEI EN 45012, che l’attèsta che la Ditta fornidora la mantegna ‘n Sistèma de Qualità aziendál confórm ai requisìi de la nòrma UNI EN ISO 9001:2000 quant a la produzión di serrànd;
  • la Certificazion del Prodòtt che l’attèsta la conformitàa di serrànd cont i nòrm UNI EN 1074-1 e UNI EN 1074-2, emiss de ‘n tèrz Organismo, accreditàa seconda conforma ai nòrm UNI CEI EN 45011 e UNI CEI EN ISO/IEC 17020.

De sorapù, in caso de traspòrt de acqua potàbil la gh’hà de vèss fornida ‘na deciarazión de Conformitàa al Decrée del 6 de april del 2004, n. 174, Ministeri de la Salud mandada foeura di alter laboratori acreditàa, relativa a i rivestimént dedenter, ai elastòmer (anèj de tegnuda) e a tucc quèj materiàj che gh’hànn de andà i contòtt con l’acqua potàbil.

Marcadura[Modifega | modifica 'l sorgent]

In su la serranda con Diameter nominál >50mm i gh’hànn de vèss imprèss, in manera de durà de vèss ciaramént visìbel seconda conforma ai nòrm EN 19, almànch chi indicazión chì:

  • el diametro nominal (DN);
  • la pression nominal (PN);
  • el nòmm del materiàl del rivestimént;
  • el nòmm del costruttór e/o marcadura de fabbrica;
  • l'ann de fabbricazión;
  • la norma UNI EN de riferimént;

In sul cuni gh’hànn de vèss imprèss, in riliév, chi indicazión chì:

  • la grandèzza nominál;
  • el nòmm del prodottór;
  • el riferimént a la nòrma (EN 681-1);
  • el tipo de aplicazión (WA) e la class di durèzza;
  • el trimèster e l'ann di fabbricazión;
  • l'indicazión scurtada de la gòmma de rivestimént (semai che la ghe fudèss) (es. EPDM).

Normativa[Modifega | modifica 'l sorgent]

  • UNI EN 1074-2: Valvole per la fornitura di acqua - Requisiti di attitudine all'impiego e prove idonee di verifica - Valvole di intercettazione.
  • UNI EN 1074-1: Valvole per la fornitura di acqua - Requisiti di attitudine all'impiego e prove idonee di verifica - Requisiti generali.
  • ISO 5208:1993: Collaudo (NORME E RIFERIMENTI)

Vos correlad[Modifega | modifica 'l sorgent]

Ligamm estèrni[Modifega | modifica 'l sorgent]