Valsasna
La Valsasna o Valzasna (Valsassina)[1] in del dialett de Promana, l'è ona vall de la Lombardia.
A l'è circondada a ovest del grupp di Grign, a nord-est di Alp Orobi. A nord a gh'è la Valtolina e la Val Varron, a est la Val Taegg, a ovest (al de là di montagn) la riva del lagh de Comm. A sud a gh'è la città de Lecch.
L'è traversada de la Pioverna, che la ven giò de la Grigna e la ghe va dent al lagh de Comm arent a Belan.
I paes de la Valsasna a hinn Balabi, Barz, Casargh, Cassina, Cornoeuva, Crandola, Cremen, Introeubi, Margn, Mosg, Pastur, Premaluna, Tasen e Vendrogn. Tucc quei comun chì toeuven part a la Provincia de Lecch.
On element important de l'economia de la vall a l'è la produzion de formagg (talegg, cavrin, robioeula, quartiroeu e ricotta). Di alter prodott tipegh a hinn i caviaditt, di biscott, e i scarpinasc, di ravioeuj.
Referenz
[Modifega | modifica 'l sorgent]- ↑ Dizionario dialettale etnografico di Premana: de cént in-t-üne, la favola di una comunità, Comm, 2007