Vetura
|
Quell articol qì l'è scrivud in Lombard, cond l'ortografia Scriver Lombard. |
Una vetura o otomobil, a l'è un mezz de trasport a motor, un veicol con rœde qe, rozad de un motor solitament a s'ciop e conducid de un guidator, a l'è bon de mœver-s otonomament in su la superfix terestre a'l fin de menar un limitad numer de passejer o merce.
Descrizion jenerala[Modifega | modifica 'l sorgent]
De solit, i vetur i g'hann tri spazi, ciamads anca volum: la gabina (per l'otista e i passejer), el baul per i valix e 'l cofen del motor. Ognedun de qesti sit qì al pœl vesser metud plu o manc in evidenza del disegn de la carozeria.
El numer de sedil al varia de duu a nœv, copres qell de l'otista.
Aspetts lenguisteg[Modifega | modifica 'l sorgent]
Etimolojia[Modifega | modifica 'l sorgent]
Ind la lengua lombarda el termin otomobil al deriva prategament cont la medem accezione del frances automobile [ɔtɔmɔbil], compost del grec αὐτός (autòs) "stess, de sé, de sé", e de l'ajetiv latin mobĭlis, "mobil, qe 'l se mœv", çoè cont el segnifegad "qe 'l se mœv indeperlee".
Inscambi, la parolla "vetura", la vegn del latin vectura, der. de vectus, p. pass. de vehĕre (menar) (•principi sec. XIII).