Università Popolar di Studi de Milan
|
Quest articol chì l'è scrivud in lombard, con la Noeuva Ortografia Lombarda |
L'Università Popolar di Studi de Milan (in italian Università Popolare degli Studi di Milano) a l'è 'n ent de insegnament minga recognossud del Stat italian, considerad despess una fabrega de titoi.
A so dì dann foeura di titoi recognossud del Ministeri de l'Università e Ricerca italian, desgià che operarien in bas al dirit internazzional in convenzion con di università in Burkina Faso, ma a l'è no inscì. Inn nassud in del 2006, anca se se reciamen al 1901, data de fondazzion de la veggia Università Popolar de Milan.
Hann ciapad varie sanzion del Garant de la Concorrenza e del Mercad per i so reclam e la soa atività de dì che i so titoi inn recognossud tant 'me quei di università. Ofrissen di cors in vari setor, de la medesina alternativa a la psicologia, a passà per criminologia, ingegneria, scenze di comunicazzion, economia e marketing.