Uberto Pozzoli
L'Uberto Pozzoli (Cavrian, ses de magg del 1901 - Lecch, tredes de november del 1930) l'è staa on giornalista, sindacalista e poeta lombard.
Biografia
[Modifega | modifica 'l sorgent]Nassuu in provincia de Monza, de piscinin l'è andaa a viv a Lecch, e l'è restaa lì per tutta la soa vita.
L'ha studiaa indeperlù, e l'è staa on grand espert de la storia lecchesa, oltra a spendes in del sindacalism catolegh. L'è staa vun di animador de la rivista All'ombra del Resegone. A l'è mort che 'l gh'eva domà 29 agn.
Oeuver
[Modifega | modifica 'l sorgent]La soa produzzion in lombard l'è considerada el mej che 'l sia mai staa scrivuu in dialett lecches.
Poeudom dì che la soa poesia la s'è dividuda in duu brocch principai: ona vena scherzosa e "descaviada" e on'oltra pussee lirega e spiritual. Al primm filon la ghe partegna la soa "Ghislanzoneide", dedicada ai trebuleri che la gh'ha 'vuu ona statoa del lecches Togn Ghislanzon, prima esposta in piazza e poeu sconduda in di cantinn del Palazz Belgiojoso a Lecch. El segond filon el se veda ben in de la poesia Magg in valada: in quella poesia, l'autor el fa cunt de trovàss in de la Vallada de Lecch (quella che la se troeuva ai spall de la città, invers a la Valsasna) e, d'on bott, scomincià a sentì tucc i campann di paesitt lì intorna.
Esempi de poesia
[Modifega | modifica 'l sorgent]Chì de sotta, el princippi de la poesia Magg in valada.
Vegnii soeu ché visén a San Giuvann
- se voeuref inciuchéf de puesìa
a la matina prest, quand che i campann
i sùnen toeucc insemm l'Ave Maria.
El ciel, adess de magg, el büta nett
lüster e ciâr 'me i oeucc de la mia dòna;
el lâgh, gió abass, el possa toeutt quiètt,
celest, comè 'l vestii de la Madòna.
[...]
Bibliografia
[Modifega | modifica 'l sorgent]- AA. VV. Antologia della poesia nelle lingue e nei dialetti lombardi, dal Medioevo al XX secolo, Milan, Libri Scheiwiller, 2006.