Turbiàt

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental

Turbiàt (nòm uficiàl en italià Torbiato) l'è 'na frasiù del cümü de Àder, en Franciacürta, pruvìncia de Brèsa. El paés l'è abitàt de presapóch 500 persùne e 'l se tróa a 'n pér de chilòmetri a sudèst de 'l cèntro comünàl.

L'è lüminàt zamò endel Estimo Viscontèo del 1385, enséma con Àder. Endel 1679 l'è elencàt 'ntra i cümü de la quàdra de Izé. Föra che per en perìot de póch agn 'ntra 'l 1805 e 'l 1809 che 'l g'ha furmàt cümü ensèma con Calì (cümü denuminàt uficialmènt Calino con Torbiato ), Turbiàt el g'ha fat cümü de per sò cönt enfìna al 1928, quan che, endel quàder de la riorganizasiù de le autonomìe locài, l'è stat agregàt a Àder.

Del pont de vìsta de l'aministrasiù religiùza, Turbiàt el fà paròchia de per sò cönt, e 'l fà part de la Diòcezi de Brèsa. La sò céza parochiàla l'è dedicàda a San Faüstì e Gioéta.