Calì

De Wikipedia
Sata a-a navegassion Sata a-a serchia
Chest artícol a l'è scricc in Lumbàrt Orientàl, ortograféa unificàda Lombard oriental
Palàs Calini e, 'n sìma a la culìna, Santöàre de San Stéfen

Calì (en Italià: Calino) l'è 'na frasiù del cümü de Casàch San Martì, en Pruvìncia de Brèsa. L'è sitüàda 'ndèl cör de la regiù geogràfica de la Franciacürta. La cönta de piö de 1300 abitàncc.

L'è lüminàt zamò endel Estimo Viscontèo del 1385 come cümü che fàa part de la quàdra de Roàt. Föra che per en perìot de póch agn 'ntra 'l 1805 e 'l 1809 che 'l g'ha furmàt cümü ensèma con Turbiàt (cümü denuminàt uficialmènt Calino con Torbiato), Calì el g'ha fat cümü de per sò cönt enfìna al 1928, quan che, endel quàder de la riorganizasiù de le autonomìe locài, l'è stat agregàt a Casàch San Martì.

Del pont de vìsta de l'aministrasiù religiùza, Calì el fà paròchia de per sò cönt (part de la Diòcezi de Brèsa), e la sò céza parochiàla, de fondasiù medievàla, l'è dedicàda a San Mighél Arcàngel.

'N óter edifìcio religiùs emportànt l'è el santöàre de San Stéfen, cizulìna nasìda endel sècol XVI come capèla privàda de la famìa nòbil locàl dei Calini.